Verba pergalê
Hemsereka DBP a Dêrsimê Melek Doz zî muhîmîya weçînayişê 7’ê hezîranê ser vindert û vat ke di seserra 21’in de pergal û HDP verba yewbînan têkoşîn bidê û peynîya no pêkewtişî zî do dorûverê şorişger-demokrat û welatperwerê qezenc bikerê û wina vat: “HDP do Meclîsê de vengê Denîzan, Îboyan, Mazluman, Arînan û Sakînan bibo. Hewna di Meclîsê de omidê karker, cenî û şarê bindestan bibo. No ser zî keseke azadî wazena, înan ra veng dana û vana ke bêrê HDPê ra hetkarî bidê.”
Dolaz tesîrîya HDPê ser finak da û wina domna: “Keseke rayê xo do bidê HDPê zey morcelayê Îbrahîmî omidê azadî û aştî gêrenê. Nika di Tirkîyayê de tena alternatîfê omidê HDP o. No ser zî ez şarê xo ra wazena do rayê xo seba HDPê bişuxulnê.”
Esnafa dikkana hunera destê Leyla Akyildiz zî aşkera kerd ke ê omidarekî do HDP bendan birijno, çimkî HDP omidê ciwan, cenî û esnafan a û peynîya 7’ê hezîranê do omidê înan hîna bi hêz bibo û no ser zî do her kes rayê xo bidê HDP ê.
Enaf Velî Yildirim zî destnîşan kerd ke biryarê HDPê seba şaristan û welata Kurdistanî bi xêr bibo, HDP omidê heme şaran a û do weçînayişê Dêrsim zî rolê xo kay bikero û HDPê ra hetkarîyakê bi hêz bido.
Hewna welatij Hasan Yildirim zî ciresna ke seba înşakerdişê cuyayişê newe tewr gird keye nişan HDP o û wina dewam kerd: “Dêrsimijan di demo ameyoxê de bi rengê şarê Tirkîyayê cuyayişê hembarî ser xebat bikerî. No ser cuyayişê hembarî ser zî do rayê xo hetê HDPê ra bişuxulnê. Ma zananêynê do HDP seserra 21’in de rolê xo kay bikero û ma nirxê xo dîrokê zî Meclîsî ra bikirişî. Di HDPê de heme dorûveran bêrê yewbînan het, do weçînayişê 7’ê hezîranê de dêrsimijan pergala kemalîstî ra verpersekî gird bidê.”
Beser Şahîn zî no mesajê da: “Do têkoşîna domanê ma, bi HDPê zey rojê bi akero. Do na rojê, rojê her kesî bibo. Înşallah do ma bendê derbas bikerî û di Meclîsî de zî heqê şarê xo do bipawê.”
Hedef di Dêrsimê de di wekîl o
HDP di Dêrsimê de peynîya cigêrayişê namzedê xo Alî Onlu û Edîbe Şahîn dîyar kerd. Eke HDP bendê weçînayişê bivîyaro do Edîbe Şahîn zî bêro weçînitiş û na rewş zî di dîroka Dêrsimê de yewin bibo.
EDÎBE ŞAHİN: Di serra 1960’ê de Nazîmîye de ame dinya. Perwerdeyê xo ya mîyan û sifteyin Nazîmîye de temam kerd û peynî zî lîseya mamostetê peynî kerd û destê karê mamostetî kerd. Şahîn di serra 1980’ê de karê xo ra ame dûrvistiş. Şahîn zîndan û heqê merdimatîyê ser xebatan kerd û MKMê de zî rayedare û di kovara Rewşenê de zî edîtorîya hunerî kerd. Tewr peynî Şahîn serekeya Şaredarîya Dêrsimê kerd. Şahîn zewejyaya û di domanê a est î.
ALÎCAN ONLU: Di serra 1967’ê Nazimîye de ame dinya, Onlu lîse peynî kerdo. Onlu di mîyanê serrê 1990 û 1991’ê de rayedarî ya HEP a Zeynîburnuyê kerd. Hewna Onlu di HADEPê de endamê meclîsê partîyê û serekî ya pêroyina polê ciwanî ya HADEPê kerd. Onlu serra 2009’ê dema ke hetkardoxê Serekîya Şaredarîya Dêrsimê kerdî, çarçiweya operasyonê sîyasîyê ame girewtiş û 2014’ê de zî ame tehlîyekerdişî. Onlu zewejyayo û di domanê a est î.
ANF/DÊRSIM