Hemserokê Konseyê Rayverîn ê KCK Cemîl Bayik o ke tewrê bernameyê ‘Rojeva Welat’ ê televîzyonê Sterk tv bi, hayr ant xoverdayişê Kurdan ser. 

Bayik’î xoverdayiaşê Farqîn û cayanê bînan ê Bakurê welat silamî kerd û vat: Dewleta tirk wast Farqîn de bi êrişanê girdî îradeyê şarî bişikîno. La belê şarê Farqînî vera êrişan xo ver da, qehremaniyê gird dmûsna. Peynî de şarê Farqîn serkewt. 

Bayik’î xoverdayişê Farqînî serva-qabê heme şaranê  rojhelatê miyanî zey nimûne hesibina û vat: Enê xoverdayişî damûsna ke, şarê kurd rojhelatê miyanî de têkoşînê azadî û demokrasî rê rayverîn keno. Şarê kurd bi xoverdayişê xo, serva-qandê heme şaranê herem biyo omid. 


Gerek xoverdayiş vilayê pêrokîn cayan bibo

Bayik’î vera êrişanê dewleta tirk lazimînê herakerdinê xoverdayişî ard ziwan û wina vat: Dewleta faşîst yê tirk, serva-qandê darbe bido xosereya demokratîk ro, heme quwetê xo visto dewre. Eke îradeyê têkoşînê azadî bişikîno, o wext Tirkiye de, qe jew şar, îtiqat û demokrat nêşeno vera rejîmî vengê xo vejo. O çax rejîm besekeno  goreyê wastenê xo hereket bikero. Cok ra wina-niya bê sînor êriş keno. Cok ra wina wehşetî de sînor nêsilasneno. Verra êriş û wehşetî lazimo xoverdayiş vilayê cayanê bînan bibo. Lazimo şarê kurd quwetê xo bikiro jû û verra  terorê dewleti xo ver bido.


Heta Rayver Apo serbest nîbo, Şarê Kurd kî serbest nêbeno

Bayik’î tecrîdê verra Rayverê Şarê Kurd Abdullah Ocalan’î, zey leteyê siyasetê lej-herb û terorê verra şarê kurd hesibna û wina vat: Vera Rayver Apo tenya tecrîd çinîyo, eynî wextî de Rayver Apo sero zilm û zextê gird esto. Raşto, şarê ma Rayver Apo esas gêno. Nayî ra, lazimo serva serbestiya Rayver Apo xoverdayiş berz bibo. Eke Rayver Apo azad bibo, o wext peyniyê herb zî yeno. O çax şarê kurd reseno aştî û hizûrî. O çax şeno bi kamî û kilturê xo ra, ca û waranê xo de, weşîna xo biramo. Bi vatişê bîn, hetanî Rayver Apo azad nêbo, êrişê verra şarê kurd zî hertim dê biramê. Hertim kurdî dê bi îşkence, zilm, wehşet, kişten û talana ra rî bi rî bimanê. Nayî ra heta ke Rayver Apo azad nêbo, şarê kurd zî azad nêbeno. 


Lazimo Şengal bibo wayirê statuyê xoser

Hemserekê Konseyê Rayverîn ê KCK Cemîl Bayik’î derheqê xelisnayişê Şengal û Hol de zî mesajê muhîmî day. Bayik’î siyasetê PDK ke xelesnayişê Şengalî de rolê quwetanê gerîla înkar keno rexne kerd û vistvîrî ke quwetê gerîla û YBŞ hewna hemleyê xelisnayişî ramenê. Bayik’î vat: Hewna Şengal bi temamî azad nêbiya. Hewna dewanê ci de çeteyî estê. Gerîla û YBŞ hemleyê xelisnayişî ramenê. Eke dewî çeteyan ra nêxelesiyê, meşt-bîro fina-onca şenê êriş bikerê. Bayik’î eleqe ant waştenanê şarê Şengal ser û vat: Şengalijî wazenê xoser bibê. Wazenê xo bi xo îdare bikerê. Şengal sero xeylê munaqeşey estê. Ma wazenê Şengal sînorê Kurdistanî miyan de bimano. La belê bibo wayirê statuyê xoser. 


Tirkiye verra kurdan paşt dana DAİŞ

Cemîl Bayik’î derheqê xelesnayişê Hol de zî wina vat: Bi xelesnayişê Hol ra piya, raya çeteyan ya mabêna Iraq û Suriye biriya. Quwetanê Suriye yê Demokratîk derbeyê girdî day çeteyan ro. Paştiya DAIŞ şikîna. Winî aysiyeno ke quwetê QSD dê hemleya xo yê verra çetan biramê. Bayik’î verra tehdîdanê dewleta tirk de zî wina vat: Dewleta tirk wazena verê Koalîsyonê Mabennetewî açarno Hereketê Azadiyê Kurd. Cok ra destê ci ra çi yeno kena. Cok ra Încîrlîk serva-qandê teyareyanê lej ê Emerîqa akerd. Wazena rolê YPG û YPJ bitiro. Serva  kurdî nêbê wayirê statu heme çî kenê. Verra kurdan desteg danê çetanê DAIŞ. Gune Koalîsyonê Mabennetewî zî enê siyasetê dewleta tirk bivîno. Raya vindernayişê DAIŞ, destegkerdinê YPG ra ravêrena. Eke bi raştî de wazenê verniyê DAIŞ bigîrê, wa desteg bidê YPG.


  NAVENDÊ XEBERAN