Tewr peynî karkerêy ke semeda arêdayîşê findikan şîybî şaristanê Ordu raştê hêrişanê faşîstan amey, Alanya de semeda faşîstê tirkan dormarê bînaya qezayî kombîbî, mîyanê bînayî de 50 welatijî tede mahsur mendî.
No zî hedîseya ke çend serran ra ver Madimakî de qewimyaybî ard vîrê merdim. Stenbol de zî pankarta ke weneyê hedîseya ke verîya nika Colemêrg de polesan destê karkeran pey ra kelepçe kerdbi û înan sero gefa mergî werdê estbi, duştê bînaya HDP ya Kadikoyî de ameybî aleqnayîş. Hemsereka HDP ya Stenbolî Ayşe Erdem ser polîtîkayêy AKPî ard ziwan ke wexto ke planêy Erdoganî nêgirewt dest pê hêrişan kerd û wina domna: “Nêy operasyonî, operasyonêy ke planêy Erdoganî nêgirewt sero bi hêrs amey kerdişî.”
AKP da destpêkerdiş
Erdem dergeyîya qalîkerdişê xo de ciresna ke semeda ke HDP weçînayîşê 7’ê hezîranî de serkewtişek gird dest vist û no zî vernîya waştişê Erdoganî ya serektî girewt û wina domna: “Nêy opersyonî semeda ke Erdogan waştişê xo yê şexsî nêşkena dest bikero sero operasyon hêrsa ci ano ziwan. AKP semeda ke 400 wekîlan bigîro pîmê şerî kaş kerdo û wazeno HDPî çinî bikero.”
Xoverdayîş musay
Erdem peynîya qalîkerdişê xo de vat: “Tedaya ke hemverê partîya ma yena kerdiş bi kêfî yo. Nêy tedayî heme semeda zeyîfkerdişê rayvistina ma yenî kerdişî. Labelê çîyo ke înan nêzanaynê no bi ke ma bi nêy tedayan zeyîf nêbenî û dest bi têkoşîna xo zî nêverdanîy. Ma hereketa kurdan ra yew edetî muhîm girewto. Hêrişêy ke hemverê bînayanê ma yenî viraştiş nêşkenî ma têkoşîna aştî ra fek verabidîy.”
OYKU DÎLARA KESKÎN/JINHA / STENBOL