Dersimizê ke mesê anaze weyî kenê bi seyan kîlo hemgên are kerdî. Welatizan day zonayene ke hemgênê înan organîk û jê derman o.
Aladdîn Alkan o ke na karî jê huner hesibneno, na hunerî pî û kalikanê xo ra mûsayo. Daran ra wûşeran arê kenê, nînan jûbin ra vernene û nîya pêtag (kewar) virazene. Ser kî was, wela adir û lincî kenê têwerte û hîn cenê. Çik ke xoza de esto înan ra hemgê yeno vetene.
Xozayî û saf o
Alkan derheqê weyî kerdena mesan sero nînan vano: “Verra na het mesî ma estê. Hama newe ra peyser ceriyayîmi demê raver. 27 serriyo na kar kon. Na hemgên ser xeylê kar esto. Hem hemgê guretene û hem kî dime ra pêtagan ra vetene. Ma 2-3 rojan de mesan benê û hemgênê are keme. Fegane 5-6 rojan rameno û xêlê zehmet o.”
Aladdîn Alkanî vist vîrî ke iyê arekerdenê hemgênî de qeyta kîmyasal tewa nêanê kar ardene û va: “Her çî xozayî û saf o. Se û se organîk û derman o. Ca wo ke mesê xo ca kerdeme cayê de xozayî yo. Onca qeyta seker nêdame mesan.”
Alkan dano zonayene ke; her serr jêdena kes na hemgê wazeno û aşkere kerd ke kîloyê hemgênî 200 TL ra yeno roten û înan emserr heta 400 kîlo hemgên are kerd o.
DÎHA / DERSIM