Wertê 9 serran de henke bî teqetin, lewê sîyasetê Tirkîya yê kanî de, sîyasetê Osmaniz kî vurna.
Ne heqî naskeno, ne esqî.
AKaPe û Erdoğan tam faşîzm temsîl kenê. Ne muxalefet wazenê, ne zerrê xo de îtîraz. BDT meclîse de nêwazenê. Eke jû mesela ser o qesey bî, ya kî halkerdena jû mesela kewte rojdem, AKaPe û Erdoğan muxalefet de qeseynêkenê, ya kî xeverdar nêkenê.
Her tim vanê ‘nî nêbê kî beno.’ Dîktatorîyade zelal a.
Nîyadê! Di asmîyo heq û huquqê birêz Öcalanî dest ra gureto. Herb de mordem heşîran rê bîle nîya nêkeno.
Heto bîn ra ke raştîye vajîme, sîstema Tirkîya de heq huquq qeyta çîne bî.
Nî însanî kisenê gosunê însanî cirakenê benê çê xo de darde kenê, ya kî kenê halete.
Nî însanî kisenê, dima bi potînanê xo linge nanê sarê merdî ser, resman oncenê, waştîya xorê rusnenê.
Na waxtê ma de koster-moster mesela nîya. Pîlan û projê nî goneweran estê.
Tabî raştîye de ‘kosterê’ nînan xirabe nêbîyo, meszgê xo bîyo xirabe, mezgê xo xiravîyê fikrîno. Zerrê û zerya nînan de murdarîya dîna esta.
Nî wazenê teyro ke hewa ra pereno ra teslîm bijerê.
Jû televîzîyonê kurdan, ROJ TV kî xorê kerdo hedef. Seweta qedexekerdena ROJ TV Tirkîya roseno no hukumat. Kurdan de haştîye kitabê nînan de çîna.
Armacê xo her kesî û her çî binê hukmê xo gureten a. Waxtêde vatenê ‘ma her kesî de haştîye wazeme, qeyta jû cîranê xo de mesela nêwazeme.’
Nika kamî de pêronêdanê ke!
Kibrisa başurî de mesela. Na semed ra hem jûyena Avrupa, hem kî Îsraîl û Yunanîstan de danê pêro. Raştîye de çiqas danê pêro nêzonen, hama tevera hen oseno. Tabî zorê nînan Îsaraîl nêsono.
Zirçenê çizenê, peyê pêruge de çi esto, ma naye nêzoneme.
Verva Surîye Erdoğan her roz vengê xo hebena keno berz. Tekîlîya xo endî jê verî nîya.
Tirkîya verva cîrananê xo NATO rê xizmete kena û NATO ra seweta tertelê kurdan yardim wazena û cena.
Tekîlîya Tirkîya û Îran kî davacer sona. Tirkîya verva Îranî şemsîya raketan Malatya de cakena.
Ha sima rê hal û hêkatê Tirkîya û cîrananê xo. Ez hen omid ken ke Tirkîya na herb de hebena bena qickek.