Dûran Kalkanî da zanayene ke Rayber Apoyî hîna 1975 de mesuldaranê partîyanê Kurdîstanî dir tayê pêvînayîşî kerdbî û wina va: “Serra 1983î de PDK reyde protolêko fermî ame îmzekerdene. Labelê protokol dima ra 1983 de hetê PDKyî ra ame xirabekerdene û şer dîya destpêkerdene.”

Endamê Komîteya Caardene ya PKKyî Dûran Kalkanî derheqê planê dewleta Tirkî ya seba dagîrkerdişê Başûrê Kurdistanî de qisey kerd û polîtîkayanê PDKyî ser o vindet.

Endamê Komîteya Caardene ya PKKyî Kalkanî va ‘hîna awankerdişê grûba îdeolojîke de Rayber Apoyî ardbi ziwan ke Kurdistan de çarçewaya meterîsê neteweyîyî de organîzasyonêk ke heme têgêrayîşan ra yeno pê, virazîyo’ û wina domna: “Bi nê amancî serra 1975 de mesuldaranê heme partîyan û organîzasyonanê Kurdistanîyan dir pêvînayîşî kerdîbî. Mîyanê nînan de Partîya Demokrat a Kurdistanî ya Tirkîya zî estbî. Seke yeno zanayene na partî perrêkê PDKyî ya Îraqî bî. Labelê a game pêvînayîşan ra netîceyêk nêvejîya.”

Kalkanî dewamê qiseykerdişê xo de wina va: “Badê ke Rayber Apo vejîya teberê welatî û derbeya 12ê Êlule virazîyaye, wareyê Lubnan, Filistîn, Sûrîye û Rojhelato Mîyanên de kewt mîyanê cigêrayîşanê awankerdişê meterîsê Kurdistanî û Tirkîya yê vera faşîzmî de. Destpêkê serra 1981î de partîyanê Vakurê Kurdistanî paytextê Sûrîye Şam de tayê kombîyayîşî viraştî. YNK partî û grûbanê bînan ê Vakurê Kurdistanî dir wayîrê têkilîyêka rinde bi. Labelê munaqeşeyanê awankerdişê meterîsê neteweyîyî yê Şamî ra netîceyêk nêame girewtene.”

Rayber Apoyî tecrîdbîyayîşê PDKyî qebul nêkerd

Kalkanî qala nizdîbîyayîşê Rayberê Şarê Kurdî yê Kongreya Neteweyîye kerde û wina va: “Prosesêkê winayênî de têkilîyê PKK-PDKyî virazîyayî. Nê têkilîyî zemînê Rojhelatê Kurdistanî de bi hemra Mehmet Karasûngûrî aver şîyî. A game PDKyî xo newe organîze kerdêne, Mesûd Barzanî bibi serek, Îdrîs Barzanî bibi hetkarê ê û Alî Abdullah zî sekretero pêroyî bi. Halêko wina virazîyabi ke YNKyî kerdêne ke Kongreya Neteweyîye bê PDKyî virazo û PDKyî bi temamî tecrîd bikero. Rayber Apoyî qebul nêkerd û va ‘Eke kongreyêka neteweyîye virazîyo ganî heme partî û organîzasyonê Kurdan tewrê ci bibê’. No vînayîşêko muhîm bi. Lazimîya ê bi têkilîyanê PKKyî estbî.”

Protokolêko fermî ame ronayene

Kalkanî qiseykerdişê xo de bale ant protokolo ke mabênê PKK û PDKyî de ame ronayene ser û wina va: “Peynîya serra 1982 de ez ne şaş bî protokolêk ke new madeyan ra ameyêne pê, ame amadekerdene. Her di hetan metnê protokolî qebûl kerd, bi nê hawayî mabênê PKK û PDK’yî de bi hawayêkê fermî têkilî û îttîfaq virazîya. Prosesê wisarî yê serra 1983’î de çarçewaya serdana Mesûd Barzanî yê Sûrîye de protokol ame îmzakerdene. Bi nameyê PKK’yî sekreterê pêroyî yê PKK’yî Abdullah Ocalanî û bi nameyê PDK’yî zî serekê pêroyî yê partîye Mesûd Barzanîyî more xo da binê protokolî ro. Na têkilîye heta wisarê serra 1985î dewam kerde. Dima ra ez bawer kena menga Tebaxe bîye ke bi nameyê îdareyê PDKyî eşkerayîyêk ameye dayene. Rayapêroyîye pêhesnaye ke înan peymana ke nameyê ci ravêrto betal kerda.”

PDKyî xeylê xebatkarnê ma şehîd kerdî

Kalkanî va ‘gama ke têkilîyî birîyayî, peynîya serra 85î de mîyanê PDKyî de tayê hetan dest bi hêrişanê komplogeran kerd’ û wina dewam kerd: “Xusûsen serê xeta sînorî de damî dayêne ro û hêrişê kesanê ke xebate rayra berdêne, kerdêne. Peynîya 86î de xeylî kadroyê PKKyî û gerîlayî rîyê nê hêrişan ra şehîd bîyî. Nînan ra yew zî hemra Hamît Avci bi. Şemzînan de dormeyê Beroxê de hetê PDK’yî ra amebi dawetkerdene, seba pêvînayîşî şi û hendî nêgêra a. Ma dima ra pêhesîyayî ke damêk de o qetil kerdo. Nê ra zî Beroxijî mesuldar ê. Nê dewijê Mûsakayî yê. Eşîra Gerdîyanî ra yê. Serê nameyê PDKyî de înan no kerd. Ê wextî de zî û nika zî girêdayeyê PDKyî yê. Xebatanê PDKyî de ca gênê. Ver bi zimistanî înan qeraxê royê Xabûrî de Emîn Hoca qetil kerd. Dima ra zî înan hemrayêko bîn wina qetil kerd.”

 

ANF / BEHDÎNAN