Sawciyanê AKP, serva girotişê rojnameyê Ozgur Gundem'î serpirodayişê mahkemeya Sulh ê Ceza kerd. Mahkeme zî badê formalîteyan, bi îdîayê propagandayê terorî kerdo, qerarê girotişê Ozgur Gundemî da. Badê no qerarî polîsan eşt rojname ser û bi îşkence emegdaranê ci girotî binçiman.
Rojnameyê mûxalîf hedef de yê
Qerarê girotişê Ozgur Gundem’î rastê nêrazîbiyayinê tûnî ame. Edîtorê pêroyin ê Ozgur Gundem'î Zana Kaya qerarî rê nerazîbîyayiş damûsna û va: “Hewna qerar nêrişîyayo ma rê. La belê ma medya havuz ra qerar wend.” Kayayî hayr ant zextanê verên yê vera rojnameyî ser û va: “AKP hewldanê derbeya 15ê Tîrmehî açarna firsedî. Bi qerarê OHALî ra pîya heme rojnamevananê mûxalîf hedef gêna. Eno qerar zî, nimûneyê peyino.”
‘Milê xo çewt nêkeme’
Kaya beyan kerd ke mavêna bombekerdişê rojname û girotişê ci de qe ferq çinyo. Kaya aşkere kerd ke iyê vera qerarê girotişî milê xo çewt nêkerê û seba desteg veng da heme çormeyanê demokratîk. Rayverîna Rojname aşkere kerd ke iyê dê derbe û zextan qebûl nêkerê, raya xo de dewam bikerê û raştiyê ke bi bedelanê giran heta nika weşînay, neyra tepya zî dê ê raştîyan ra tawîz nêdê. Vera girotişê rojname xêlê çormeyan ra nêrazîbîyenî vornay.
NAVENDÊ XEBERAN