Îmrali îzole kerdî

Serra 2015’î de zî, tecrîdê giran ê verra Rayverê Şarê Kurd Abdullah Ocalan’î dewam kerd û keno. 27ê Tîrmeha 2011’î ra na het, pawitoxê Ocalan’î nêşkenê şirê Îmrali. Zey behane zî, xeripyayinê kosterî, ya zî rewşê xirab ê heway damusiyeno. Tenya pawitoxî nê, Girava Îmrali herkesî rê giroteya. Malbatê Ocalan’î zî, 6ê Cotmeh’a 2014’î ra na het, nêşkenê şirê ziyaretî. Eno tecrîdê giran û kêfî, serra 2015 de jî ramiya.

Hikumetê AKP, demê çarekerdinê demokratîk, ke 2013î de bi rayverînê Ocalan’î de dest kerdbi ci, sabote kerd. Erdogan û AKP çarçoweyê sabotekerdinê demê çareserînî de, 5ê Nîsanê 2015î ra na kişt, pêdiyayinê bi Ocalan’î birnay. Bi vatena bîn 5ê Nîsan ra na kişt, Ocalan’î ra qe jew pêdiyayin nêviraziya.


Nûmayişê “Ocalan’î rê serbestî”

Şarê kurd û dostê ci, 2015î de zî serva-qandê serbestiya Rayverê xo û çareserînê siyasî meydanan de bî. Kurdistanijan serniyê serra 2015’î de, bi siloganê “Ocalan’î rê azadî û Kurdistanî rê haşitî, dest bi kampanya îmzeyan kerd. Kurdê teverê welatî, sernî de welatanê Ewrupa de, çarçoweyê kampanya de, aşma Sibat’î de, nûmayişî viraştî. Sûka Almanya Frankfûrt, Luksenbûrg û sûka Swîsre Bern ra hetê sûka Fransa Strasbourg, 3 kiştan ra nûmayişî viraziyay. Hîrê hetê nûmayişî, 13ê Sibat de, ver Konseyê Awrupa de resiyay pê.

10 mîlyon û 328 hezar îmze

Platformê Ocalan’î rê azadî, 10 mîlyon û 328 hezar û 623 îmze yê ke arekerdî bî, teslîmê sermiyananê Konseya Awrupa kerdî. 16. serraçarnayinê komployê 15’ê Sibat 2015î de, zerreyê Kurdistan û teberê welatî de nûmayişê protestoyî viraziyay. Pêrokîn nûmayişan de, wastenê azadiyê Ocalan’î qîr bi. Pêdiyayinê ke bi Ocalan’î ra viraziyay û hewldayenê ey ê serva-qandê çareserîn, morê xo da serra 2015. Kombiyayişê heyetê Îmralî û Dewlet ê Seraya Dolmabaxçe, zey nimûneyê tarixî, qeydan de ca girot. Seweta peyniyê lejî biyariyo, heta 10 madeyan sero amey werê. Bi na mûtabaqatî ame pawitene ke, demê çareserîn açariyo muzakereyan, adirbirnayinê didihetî bîro îlankerdin û pey ra zî aştî biyariyo. Goreyê mûtabaqatî, sekreterya ya Îmrali û heyetê teqîpkerdin roniyo û e ke lazimînê peymanî biyariyo ca, PKK aşmanê wesarî de kongreyê xo do viraştabe.

Newrozê 2015î zî açarniya Newrozê Azadiyê Ocalan’î. Çarçoweyê azadiyê Ocalan’î de, 14ê Adar de parlementerê HDP û temsîlkarê xeylê saziyan, bi hezaran kesî Cizîra Botan ra, bi siloganê Ocalan’î rê azadî, vera Amedî kewtî ray. Nûmayiş, 21ê Adar de Newrozê Amedî de qediya. Newroza Amedî de, mesaja Ocalan’î, bi şahîdiya mîlyonan de amê wendin. Ocalan’î mesaja xo de eleqe ant muhîmiya demê çareserîn ser û wina vat: Ez omid kena ke, wextê kilmî de, mûtabaqatî virazê û aştî biyarê. 4ê Nîsan, roja rojbiyayişê Ocalan’î zî, des hezaran kesan ard pê het. Des hezaran kesê ke sûkanê kurdistan û tirkiye ra kewtî ray, qezayê Riha Xelfetî û dewa Amara de, rojbiyayişê Ocalan’î bimbarek kerd. Eynî meng de, bi rayverînê Înisiyatîfê Ocalan’î rê Azadî de, saziyanê kurd û alman, sûka Almanya Hamburg de, konferans organîze kerd.  Konferansî de fikir û felsefeyê Ocalan’î amey qisey kerdin.


AKP omidê haştî tefîna

Erdogan û hikumetê AKP,  omidê çareserîn tefîna, kerd tarî. 5ê Nîsan’î de AKP, reyna siyasetê lej-herb û tecrîdî vist dewre û pêdiyayinê mavêna heyetê Îmralî û Ocalan’î birnay. 

Reîs Cûmhûrê tirk Tayîp Erdogan’î, 28ê Nîsan de, ebi nê vatenan, startê konseptê lejî da: “Welatê ma de, hinî meseleya kurd çinîya. Werte de maseyê çareserîn fîlan zî çinîyo.” Erdogan’î bi nê vatenan mûtabaqat û demê diyalogî înkar û sabote kerd.  Verra Ocalan’î, tecrîd her roj heveyna kerdî giran. Winî kerdî ke, hinî kitavê ke Ocalan’î ebi xo nûsnayê zî, nêdayî ci. Hikumetê AKP bi weçînayinanê 7ê Hezîran û 1ê Mijdar’î, konseptê lejî kerd hera û kampanya siyakerdinê Hereketê Azadî vist dewre. 


Ocalan’î rê xelatî

Vera nê heme êrişan zî, Ocalan’î gureyînê xo yê serva haşitî û çareserî ramitî. Xeylê saziyanê Awrupa û parlementeran û xeylê çormeyan, wastenê azadiyê Ocalan’î kerdî berz. Jû sendîkaya tewr gird ê Îngilîstan GMB û sendîkaya tewr gird ê Fransa CGT zî, tewrê wastenê azadiyê Ocalanî bî. Xebatanê haşitî yê Ocalan’î dinya de veng da. Buroyê Haşitî yê maben-netewî yê Îtalya xelatê haşitî yê serra 2015’î da Ocalan’î. Îskoçya de zî, Komeleyê Wendekaranê Zangehê Strathcly de, xelatê rûmetî da Ocalan’î. Nûmayişa tewr derg yê kurdan, ‘Nobeda Ocalan rê Azadî’, ya ke, 25ê Hezîran’a 2012î de ver bana Konseyê Awrupa de dest kerd ci, 2015’î de zî dewam kerd. 


NAVENDÊ XEBERAN