Li bajarên herêmê di pevçûn, operasyon, çalakî û xwepêşandanên de bi sedan zarok hatin kuştun, bi sedan zarok hatin girtin û bi hezaran zarok hatin binçavkirin. Herî zêde zarok ketin bin bandora operasyon, pevçûn û çalakiyan. Gelek zarok ji ber bûyer, pevçûn û êrîşên polîsan derûniya wan xera bû. Van bûyeran herî zêde bandorek neyînî li ser zarokan kir. Şaredariya Êlihe bi boneya van zarokên ku di bûyer pevçûn û operasyonan de jiyana xwe ji dest dane dîsa bibîr bîne û nemir bike, her wiha ji bo pêşerojek xweş û geş bi zarokan bide jiyandin Parka Bîrdariyê ava dike. Vekirina Parka Bîrdariyê dê di rojên pêş de bi merasimekê bê vekirin. Parka ku 2 meh berê înşaeta wê dest pê kir, dê di rojên pêş de ji xizmeta zarokan re bê vekirin. Parka zarokan ku li taxa Şîrînevlerê li ser 3 hezar metrekare tê avakirin ji gelek beşan pêk tê. Li Parka Bîrdariyê bîrdariya ku bilindahiya wê 18 metre ye û li ser wê Peymana Navneteweyî ya Zarokan bi Kurdî û tirkî hatiye nivisandin dê bê çikilandin. Di parkê de ji lîstik, westan û seyranê gelek beş ji zarokan re hatiye veqetandin.

'Em dixwazin zarokan nemir bikin'
Cîgira Şaredara Êlihê Gulîstan Akel, der barê xebat û armanca Parka Bîrdariyê agahî da û anî ziman ku ji bo ew van zarokên ku di pevçûn û buyeran de jiyana xwe ji dest dane her tim bibîr bînin û pêşerojek xweş ji zarokan re ava bikin xizmetek wisa didin. Akel, da zanîn ku li gorî peymana mafên mirovan a gerdûnî û neteweyî zarok xwedî 3 bafên bingehîn in. Akel, da zanîn ku mafê perwerdehî, parastin, û mafê tenduristî, derûnî, fîzîkî û zeyendî heye. Akel, destnîşan kir ku dewletê jî ev peymana mafan qebûl kiriye û xwest ev maf wekî mafên bingehîn yên mafên mirovan bê zanîn û parastin.
Akel, destnîşan kir ku li herêmê ji ber ku pirsgirêka Kurd nayê çareserkirin bi taybetî zarok û jin zêde dikevin bin bandora tundî, pevçûn û operasyonan. Akel, bilêv kir ku herî zêde mafê zarok û jinan tê binpêkirin û ji ber vê yekê jî herîe zêde pêdiviya parastina mafên wan heye. Akel, bal kişand ser zarokên di demê dawî te hatin qetilkirin û wiha axivî: "Em wekî rêveberiyên herêmî divê mafên zarok û jinan biparêzin. Ji bo vê yekê me dest bi hin xebatên nû kirin. Ji bo ku em mafên zarokan biparêzin û zarokên hatine qetilkirin nedin ji bîrkirin me Parka Bîrdariyê ava kir. Nêzî 2 mehin xebatê parkê didome û di hundirê parkê de Peymana Mafên Zarokan a Navneteweyî ya ku ji 18 metre bilindahiyê pêk tê didin nivîsandin." Akel, xwest hemû sazî li mafên zarokan xwedî derkevin û biparêzin. 


GULSEN ASLAN - DÎHA/ÊLIH