Hedî hedî vecîyeme kuçeyan
Ozsoy eleqa ûnt dewamkerdişê talbikeyê derbeyî ser û vat; talbikê derbeyî hama nêviyert ra, mekanîkê derbe dewam keno. Hîşyar Ozsoy kaosê Tirkîye rewşê Rayverê Şarê Kurd Abdullah Ocalanî ser o vindert û qiseyê xo ûna ramit: “Semedê înfazkerdişê Ocalan'î waziyeno ke lejê zêrrî bivece. Lazimo ke ma zaf hesas gûm bierz û kayanê înan pûç vecê. Eke ma hol siyaset nêkerê û şar cayê yew bîn de nêvindero derbeyî newe veciyene û ço (kes) nêşkeno vernî nayî bigere.”
Parlementerê HDP ê Çewlîg Hişyar Ozsoy kuçeyan rê nêveciyayîşê şarê Kurd ser zî hina va: “HDP sêrmûne guret û nêwaşt kuçeyan de şarî piyaverdî coka hetûn nikayî kuçeyî nêşuxulnayî. Ma êra tepiya zî ûna dewam kenê. La hinda HDP zî hedî-hedî veciyenê kuçeyan la semedê vêrniyê provakasyonan guretişa zaf aye hereket kena.”
ÇEWLIG