Roj bi roj verbê roja 7 hezîranî de heyecana weçînayişî avera şino. Zey heme şaristanêy Kurdistanî Çewlîgî de zî bi her hawayî heyecan zêd bîyo. Rayîrberêy partîyê bînan zî hevîya xo partîya xo ra birnayo û HDPî ra xebat kenêy û kewtê xizmeta şarê xo. Yanê kesêy ke heta ney gamî ray nêdayê partîyê kurdan anêy ziwan ke no weçînayişî de do ray biderêy HDPyî û HDPî zey favorî nîşan day.
‘AKP pey provokasyonî de ya’
Kixê ya qeza Çewlîgî de MHPijê kan Şukuru Okşarî ard ziwan ke 20 serro ke raya xo dayo HDPyî û vat: “Ez na weçînayişî de dana HDPyî.” Okşarî dergeya qiseyê xo de wina vat: “AKP hewna provokasyonan ra sûdeke paweno. AKP semedo ke provokasyonan bikero û berzo ulkucîyan ser xebatan mîyan de yo. Hetê bînî de dînî alet keno. Merdiman bi dînî xapîneno û goreya ci polîtîkayan hadre keno.”
‘Bi dinî kay kenêy’
Okşarî ard ziwan ke Erdogan bîyo serekomar û bi kuranî kerîma pîrozî sîyaset keno û wina dewam kerd: “Erdogan kaykerdişeke zaf gemarine kay keno. Lazimo ke fikrê hemeyan ra rêz bêro girotiş. Zaf dînan de qala Homayî kenêy. kuranî kerîm çiçî yo se, încîl zî o yo. AKP wazena ke bi dînî bireso cayeke. Lazimo ke şarê ma meyro kaykerdiaşan.
‘Raya min HDPî ra yo’
Kesoke HDPî mojna ra yew zî CHPijê kan Îzzettîn Abay o. Ey zî ard ziwan ke biryar goroto ke raya xo bidero HDPyî û wina dewam kerd: “Çîyê ke AKPyî bi ney şarî nêkerd nêmend. Bi qanûnêy paketan merdiman girotê bin lepê xo û wazîyeno ke dîktatorîyeke bivirazyo. Semedo ke musadeyê ney çîyê nêbo ra ez do raya xo biderêy HDPî. Çimkî HDP şaran paweno.”
DÎHA/ÇEWLÎG