La seba ke keyeyê welatijan bi tanq û topan yenê xirabekerdiş, şar bi neçarî seba wextekî Sûrî ra vejyay û taxê cîya de bi ca bî. Şaredarîya Şaristanê Gird a Amedî zî kampanyayekê da destpakerdiş û goreyê na kampanya, her malbat do seba yewna malbatî keyeyê xo biakero.
Şarê Amedî zî kêberê xo kesê ke Sûrî ra vejyay rê akenî û çi destê înan de bibo se înan reyde bar kenî. Welatijê ke taxa Fîskaya ya Qezaya Yenîşehîrî zî paştîdayîşê xo bi malbatê ke Sûrî ra vejyay kenî.
Welatijê bi nameyê Adîl Kaya yê ke keyeyê xo malbatê Bolancî rê akerdo, ciresna ke heta nika bi seyan malbatî Sûrî ra vejyay û lazimîya înan ê paştîdayîşî estê û wina verdewam kerd: “Ganî ma ewro sey ravêreya Kobanê û erdlerza Wanî hereket bikero.” Malbatê Bolancî ra Sakîne Bolancî zî da zanayîş ke keyeyê înan netîceyê hêrişê dewlete de ameyo xirakerdiş û aşkere kerd ke wexto ke hêrişî biqedî, ê dê agêrî keyeyê xo.”
Bi rayberîya Şaredarîya Êlihî de seba paştîdayîşê şaro ke bi zorî Cizîr, Nisêbîn, Sûr û Farqînî ra koç bî û amey Êlih vengdayîşê paştîdayîşî ame kerdiş. Hemserekê Şaredarîya Êlihî Sabrî Ozdemîr ciresna ke senî ke seba kesê ke Kobanê û Şengalî ra koç kerdî rê paştî ame dayîş se eyro seba kesê bi zorî ameyî koçkerdişî rê zî ê dê paştî bidî
DÎHA/AMED/ELÎH