Wan de bi sloganê “Haştîyê bi Pirtûk” 2. Fûarê Pirtûkan yê Wan abîya. No fûarî de standê pirtûkê (kitavê) kirmanckî zî cayê xo girewtî. Herzewbîn bi desan weşanxaneyê cîya tewrê fûarî bî. Nînan ra jew zî Weşanxaneyê Otekî yo. Weşanxaneyê Otekî ameyişê (perreyê) ke fûarî de bi rotişê pirtûkan qezenc kerd, serva (qandê) destekkerdişê raveyberdişê kirmanckî da nuştox Bedrîye Topaç ke pirtûkê ci yê kirmanckî estê.
Rîyê xo açarnime zonê xo
Nûştox Topaç ke tewrê Fûarî bî zî vist vîrî ke kirmanckî bi talokeyê çinîbîyayişî ra rîbirî yo û aşkere kerd ke ganî kirmancî rîyê xo açarnê zonê xo, zewbîn ver çinîbîyayiş de yo. Topaç da zonayen ke 10 serrîyo ke ser zonî de xebityena û hina va: “Çi destê mi ra yeno, ey kena. Wexto ke qurs bibo, ez qurs dana. Rojname û kovaranê cîya de nuştena. Helbet nê bes nîyê.”
Nuştox Topaç da zonayen ke ziwan çîyekê ganî yo ke ebi şima ra pîya hereket keno yo. Wexto ke o çinî bibo, şima zî çinî benê, kamîya şima zî çinî bena.
Topaç vist vîrî ke ziwan însanan de zonayişê neteweyî ravey beno û dimilîyan (kirmanc) ra waşt ke rîyê xo açarnê ziwanê xo û wayrê ci bivejyê.
DÎHA/WAN