Vera tebîetê Kurdan de dişmenîya dewleta Tirkî dewam kena. Dewleta Tirkî bi serran o ke bi vetişê şewatan, viraştişê baraj, maden û sewbîna zirar dana tebîetê Kurdan. Her serre bi taybetî wisar û hamnanî operasyonî yenî viraştene û koyê Kurdan yenî veşnayene.
Leşkeranê dewleta Tirkî na rey Pasûr de daristan veşna. 2 rojî verê Taxa Barînê ya qezaya Pasûrî ya Amedî de qereqol ra topî erzîyayî û netîceyê eştişê topan de şewat vejîya.
Şewat her ke şi ver bi koyan hîra bi û kesê ke waşt mudaxaleyê şewatî bikerî, raştê astengîyê dewlete ameyî. Saetanê serê sibayî de tayê kesî reyna şîyî cayê şewatî û hewl da şewat hewna bikerî. Kesê ke hewl danî şewat hewna bikerî, veng da dezgehanê fermî û şarî ke wa mudaxaleyê şewatî bikerî. Şewat hîna dewam keno û ame musayene ke heta nika hezar dolime daristan bîyo wel.
MA / AMED