Ciwanê elewî yê bi nameyê E. F yê semsûrij, semeda ke têgeha Îslamî nasnameya xo ra vetbi, raştê gef werdişî ame û keyeyê ci ame nîşan kerdiş. Na sero ciwanê elewî, dewlet ra semeda ke ci bipawo hetkarî waşt. La dewlet ci rê hetkarî nêda û qedera xo reyde rîbirî ame verdayîş. Semeda herinda giştan bêro tespîtkerdiş, mektube gef werdişî da polêsan la nê mektubeyî nîyameyê ciraperskerdiş û no yew aşm o ke zî pawitox nêdayî ci. Derheqê na babetî de E. F rê qalî kerd û vat ke ewlehîya ganê min çin o. Çîyo ke nebaş ger ke bêro sereyê min verpirsîyarê ci dewlet o.
E. F dîyar kerd ke semeda ke têgeha Îslamî nasnameya xo ra veto, hîrê ray mektubêy ke serê înan de bi erebî û tirkî ‘gonîya to helal o’ nuseno erşawitî û no hawa berdewam kerd: “Min dewlet ra pawitiş waşt. La no yew aşm o ke nîno viraştiş. Mektubê ewil peynîya aşma kanûna 2014’ê de mehla Esentepeyî ya Semsûrî de amey keyeyê ma. Min vernî de no muhîm nêdîy. 18’ê gulana 2015 de rayna heman mektubî ronay berê ma ver. Min sere da İHD ya Semsûrî ro. Ez ageyraya keye ke na ray berê keyeyê min nîşan kerdeyo. Min bi hetkarîya ÎHDî reyde sere da Dozgerîya Komarê ya Semsûrî ro. Polêsî nê sero ameyîy min berdîy mudirîyeta polêsan.”
E. F ard ziwan ke semeda no derûnî ra bixelisîya o tay şîya hetê xalê xo yê ke Dîlok de yo û wina vat: “Girewtişê îfadeyê min ra dima, mudirîyeta polêsan rayna min gêray. Polês waşt ke ez semeda îfadeyî rayna şêra. Min vat; min îfadeyê xo dayo û nika ez Dîlok de ya. Keyenîşan û telefonê min girewtîy. Nê rojan de bawkalê min rehmet kerd, ez û xalê xo ma şîy Semsûr. La demo ke ez ageyraya mektubekê bîn ya gefwerdişî daybî xalê min. Ma mektubî semeda herinda gîştan bêro girewtişî eşrawit mudirîyeta polêsan a Şahînbeyî. La yew aşm o ke sera vîyarto zî ti verpers nêameyo. Min şêwirmendê HDPî reyde pêvînayîş kerd. Nika ewlehîya ganê min çin o. Ger ker çik bêro sereyê min verpersîyar dewlet o.”