Pawitoxê şarê xo yê

Domanê şarê ma yê

Eyşe Efendî ciresna ke vatişê ‘YPG Şêx Meqsûdî de sîvîlan xo rê kena tirs’ raşt nîyî û wina verdewam kerd: “YPJ/YPG xora domanê şarê ma yî û tirsê pawitişê şarê ma yî, no semedî ra senî şarê xo xo rê bikî tirs (qalxan) ? Rayna adirbest seba ke her cayê Sûrîye de şer bivindero ame îlankerdiş. La adirbest ame îxlal kerdiş. Herem de beno ke şer vinderto la seba kurdan adirbest hîna nêvirazyayo. Çete hêrişê Şêx Meqsûdî kenî û dewleta tirk zî bi topan hêriş kena. Girê Sipî de qirkerdiş virazya û hîna zî Şêx Meqsûdî de termê sîvîlan binê banan de yî. Şar bi huweyan hewl dano ke şehîdanê xo binê banan ra bivejo. Sey ke no zî bes nêbo tay partîyê xayîn çeteyê Ehrar El Şam û Cebhet El Nûsra reyde hemkarî kerdî. ENKS YPG sîya kena la hetê çeteyan de ca gêna. Şarê ma ra çew bawer nêkeno.”

Engişta ENKS esta

Eyşe Efendî qalîkerdişê xo de vat ke ê ke şarê xo seba xo keno tirs ENKS bi xo ya û wina domna: “Belgeyê ke ma Til Hasil û Til Eran de vistî dest, xîyanetê înan îspat keno. ENKS bi pereyê DAIŞ û Tirkîya weye bena. Destê ENKS de gonîya domanê kurdan esto. Rayna ez xoverdayîşê şarê Vakurî zî silam kena. Sînorê ma bi têlan ameyo pîştiş la roja ke Rayber Apo seba Kobanê veng da, aye roje heme têl û sînorî xira bî.