“50 Dolar pêşnîyaz kenî”
Cinîyê ke heme kampan de heman çîyan reyde rî bi rî manenî, nêbîyayîşê îdarekarê cinîyan ra gerrekar î. Problem tena nêbîyayîşê îdarekarê cinî nîyo, polîtîkayê ke no hetî de bi zanayîş yenî meşnayîş î. Heta nika merdim vatênê qey problem tena hende yo la badê ke cinîyan reyde pêvînayîş ame kerdişî ra dima vejya werte ke hêzê KDPî înan bi kiştişî reyde tehdît kerdo ma tîya de nêşkenî nameyê înan bidî.
Yew cinîya ke keyna û mêrdeyê ci hetê çeteyê DAIŞî ra ameyî qetilkerdiş, vana: “Wexto ke reya sifteyîn ma ameyî kampe ti problemî çinêbî la mîyanê demî de bin nameyê gêrayîşî de kesê peywirdarî dest bi tacîzkerdişê cinîyan kerdî. Pêşmergeyê ke her roj nê tacîzkerdişî domnayî, badê min rê bi peran reyde fuhuşkerdişî pêşnîyaz kerdî.” Cenîyeka mexdûr dana zonayen ke sereyê keso ke ez pêra rakewa 50 dolarî pêşnîyaz kerdî.”
Wexto ke cinîyî pereyî qebul bikerî, pêşmergeyî ê cinîyan eşrawenî cayê fuhuşî ke bin kontrolê înan de yo. Cinîyê ke nêwazî bikerî raştê şantajan yenî. Cinîyê ke eşrawenê Hewlêr û Duhokî dekewnî mîyanê falîyetanê ajanîye. Nê cenîyan eşrawenî cayê ke tede YNK-Goran serwer î yê. Cinîyê ke karê fuhuşî kenî, temsîlkarê partî û dezgeyanê bînan kenî hedefê xo.
BÊWAR ARDALAN