Pereyê Şaredarîya Mîdyedî şonî ça?

Bajarê Mêrdînî de AKP rojanê vîyarteyan de bi usûlê îhale 6 keye û milkê Şaredarîya Mîdyadî vet rotiş.   Endamê Meclîsê Şaredarî Îzzettîn Aslano ke AKPyî yo seba vernamzedîya Şaredarîya Mîdyadî ke do 31ê adara 2019î de weçînayîşê herêmî pê bêro, muracat kerd û qerarê rotişê mal û milkê şaredarî ro îtîraz kerd. Aslanî bi mehneya ‘Do îtîbarê me şenik bibo’pêşnîyaznameya îtîrazî da Meclîsê Şaredarî. Endamê meclîsî yê Partîya Demokratîke ya Şaran (HDP) û Partîya Saadetî zî piştî dayî îtîrazê Aslanî. La pêşnîyazname hetê endamê AKPyî yê meclîsî ra amey redkerdiş. Badê munakeşe û reaksîyonan rotişê 4 keye û milkê şaredarî ameyî îptalkerdiş.  Milkê şaredarî ke do bêrî rotiş ra yewê ci 200 hezar û yê bînî zî 1 mîlyon û 800 hezar TL yî.

MÊRDÎN