24 hunermendê Kurd bi navê ‘Bakur’ li Galeriya Hunerê ya Amedê bi zêdeyî 60 berhemên grafîk, peyker, wêneyên xwe pêşengeh vekirin. Pêşengeh, bi pêşengiya hunermend Bariş Seyîtvan û alîkariya Şaredariya Bajarê Mezin a Amedê hat vekirin. Ev xebata hunermendan rastî eleqeyek mezin hat û gelek hunermend û şêniyên Amedê çûn serdana pêşengehê. 

Di vekirina pêşangehê de hunermend Bariş Seyîtvan axivî û diyar kir ku cara pêşîn e li Amedê xebateke bi vî rengî tê lidarxistin û hêvîdar in ku berdewama van pêşengehan hebe.  Hunermend Seyîtvan der barê armanca xebatên xwe de wiha got: “Me xwest ku çiqas hunermendên me hene bi berhemên xwe bên cem hev û bên nasîn.” Seyîtvan bal kişand ser afirandin rihê hunerê û got ew divê berhemên dewlemend derkevin holê.


DÎHA/AMED