Badê ke qayûmî tayînê Şaredarîyanê DBPyî bîyî, her roje erjêko bîn yê kurdan hedef yeno hedef girewtiş. Sifteyîn tabelayê ke bi zaf ziwanan ameybî nuştiş ardî war, dima ra sazî û dezgehê doman û cinîyan hedef girewtî, parka Roboskê, qama Ehmedê Xanî, Ugur Kaymaz û tewr peynî zî tabelaya Merkezê Kultur û Hunerî yê Cegerxwînî ard war.. Babete ser o Hemsereka KCDyî Leyla Guvene qisey kerde.
Guvene va ‘no parçeyê planê rijnayîşî yo’ û hayr and wedarnayîşê tabelayanê bînî ser.
Guvene da zanayîş ke ‘iyê do na bêrêzdarî bikirêşî Mehkemeya Heqê Merdima ya Ewropa (AÎHM) û wina va: “Kurdî bi bedelanê girdan erjê xo awan kerdbîy, qayûmî nêşênî nê erjan çinî bikerî. AKPyo ke têkşîyayîşêko gird cuya, wazeno bi hêrişkerdişê erjê kurdan payan ser de bivindero. No hewldayîşêko veng o. Şarê kurd do wayîrê erjanê xo bivejîyo. Êdî peynîya AKPyî ameya û şarê Tirkîya do bi tesilî hesabê ci biperso.”
BRUKSEL