Nameyê Meclîsê Cinîyan ser Hetkara Sekretero Pêroyî yê Şaredarîya Girde Rojda Balkaş Akyuze beyanat wend. Akyuze vist vîr ke Sereka Dayîreyê Polîtîkayanê CinîyanYuksel Aslan Acare 6ê Êlule ra nat nezaretxane de ya û hevalê aye yê mesaî aye ra nêeşkenê xeberêk bigîrê û wina va: “Semedo ke dosyaya aye ser o qerarê nimitkî esto nêzanê ke Acare pê çi suc yena tepiştiş, hema zî îfadeyê aye nêameyo girewtiş.”
Desinde peynîya neheqî û bêhiqûqî bîyarê
Rojda Balkaş Akyuze da zanayîş ke Yuksel Aslan Acare bi serrano ke semedê cinîyan xebate kena û wina va “Acere hem îdarekera Şaredarîya Gird a hem zî bi serrano ke semedê heqanê cinîyan xebatan kena. Acare semedê heqanê cinîyan aktîvîstêka muhîm a. Acare hetêk ra zî mîyanê xebatanê Meclîsê Şaredarîya Girde de bi hewayêko aktîf ca gêna. Semedo ke Acare seba cinîyan xebatan kena mumkin nîyo ke bêra cezakerdiş. Xebatê ke cinîyan ser o benê ganî nêrê cezakerdiş. Lazim o ca de peynîya na neheqî û bêhiqûqî bêro.”
AMED