Rejîm kewt mîyanê
Serekê Konseya Pawiyayişê ya Kantona Efrînê Ebdo Îbrahîm dîyar kerd ke hêzê zey Tirkîya, Sûrîye û Îran wazenê îradeya kurdan têk berî, no ser zî nê dewletan di mîyanê planan de yî. Serekê Konseya Pawiyayişê ya Kantona Efrînê Îbrahîm bal ont ser di heremê Efrînê de hêrişê rejîma Sûrîyeye û wina domna: “Bi fermana înan Cebhat El-Nusra dijî şaristanekê Nubol û Zehraî hêriş aver vist û peynî zî vatî ke di mîyanê rejîm û El Nusra de şer vejîyayo. Nika zî wazenê Efrînî bikewa mîyanê şerekî. Kurd nêameyê no kaykerdişî, no ser zî peynî têkşîyîşê înan planan rejîma Sûrîyeye dewê qezaya Şêrawa ya Efrînê bomberan kerdî.”
Îbrahîm aşkera kerd ke rejîm bi no rengî peyam daya kurdan û wina domna: “El Nusra di ser hêzê rejîme amey nêzdî Efrînê û hêrişê Nubol û Zehraî kerdî. Balafîrê rejîme no demî ke bîy, qey çekdarê El Nusra bomberan nêkerdî? No zî nîşana ver çim a têkilîya di mîyanê rejîm û El Nusra de ya. Ê fam kerdî ke bi çeteyan nêeşkena hêzê ma bişiknî, no ser zî bi xo hêriş kenî.”
Ser Tirkîyeye hêriş
Îbrahîm ciresna ke hêrişê peynî ya çeteyê DAIŞî ya dijî Kobanê zî no demî pê ameyo, peynîya hêrişê ser berê sînor ê Kobanê îstîxbarata Tirkîyeye est o û wina domna: “Aşkera û ver çimê dinyaye ser Tirkîyaye hêrişê berî sînor kerdî, heme çik zelal o. Verberî ke aşkerayê serekkomarê Tirkîyaye Recep Tayyîp Erdogan ê derheqê Rojawan de vat bi Rojawan seba heremê tehdît a, dema serekkomarê Tirkîyaye Recep Tayyîp Erdogan vat bike; nika Kobanê, peynî zî Hesekê û Efrîn do bikewî. No ser ma hadreyeya xo hîna zaf kerdî.”
Îbrahîm dîyar kerd ke di dorûvera Hesekê de zî tevgereke çeteyan est î û wina dewam kerd: “Na rewş qet tesadîf nîyo, hersê rejîmê dagirker plan kerdî, dîy ke hêzê YPG/YPJê û hêzê hetkarî înan ra danî di Kobanê de biser kewtî. Ê nêwazenî Kobanê biserkewo. No ray hêzeke gird day çeteyan û sînorê xo înan ra akerdî, no plan zî aşkera yo.”
Îbrahîm ard ziwan ke înan di heme astan de hadreyeyê xo kerdî û no dergî da qise xo: “Nê hêrişê înan a peynî yê, teqez no xoverodayişê Kobanê biser bikewo. Dema Rayverê Şarê Kurd Abdullah Ocalan vengê seferberîyê kerd, ma zî xo goreya rewşa şer amede kerd. Seba ke çik Efrînê nêro zî ma di asta tewr cor de hadreyeyê xo kerdî û şarê ma zî hadreye ya. Bi dinya bizane ke Efrînê û koyê ê mertalî û qet kes nêeşko nêzdî nirxê şarê ma bibî çimkî ma di noca de yê.”
DİLYAR CEZÎRÎ / ANHA