Vîrûsê Koronayî ke Çînî ra vilayê pêroyina Dinya bî û bî semedê mergê bi hezaran kesî, hema zî zaf welatan de aktîf o. Bajarê Tirkîya û Kurdistanî de her ke şono hûmara merde û kesê ke vîrûsî ra kewenê zêdîyena. Taybetî no vîrûs ra pey hetê heywan û hewayî de rewşe heto pozîtîf bedilya. Her ke şono rewşa Atmosferî rind bena. Seba vergirewtişê janê vîrusê Koronayî Dêrsim de zî şar goreyê vengdayîşê ''Keye de bimane'' têgêreno. Qezaya Çemişgezekî ya Dêrsimî de pevkovîyê ke goreyê bawerîya elewîyan Dêrsim de fîraz ê, verê cû heta Çemê Tagarî ameyêne. Karantîna ra dima senî ke kuçeyî û rayîrî bîyî veng pezkovîyî zî heta merkezê qeza û zereyê taxan ameyî.  Hemwelatîyanê Dêrsimî îfade kerd ke ê pê na rewşe keyfweş ê. Hemwelatîyê bi nameyê Tekîn Gurgulî vat: ''Vîrusê Korona ra dima heywanî zêdêr asenê. Seba ke merdimî keye de yê heywanî zî eftarenê ke heta merkezê qeza bêrê.'' Hemwelatîyê bînî yê bi nameyê Hasan Yildizî zî vat: ''Kesê ke 65î ra pîlêr û 20î ra qijêr ê nêvejîyenê teber. Pezkovî zî pê keyfê xo yenê gêrenê. Nê heywanî merdiman ra nêtersenê.'' MERKEZÊ XEBERAN