Vîrûsê Koronayî ke Çînî ra vilayê pêroyina Dinya bî û bî semedê mergê bi hezaran kesî, hema zî zaf welatan de aktîf o. Serî de Çîn tay welatê bîn ê rêjeya kesê bi vîrûsî kewtê kêm bî, hêdî hêdî tedbîrê ziwa, sist kerdê û karantîna hawanenî. La hîşyarêka newe merdime pisporî yenî û yeno vatiş ke eke tedbîr bêrê sistkerdiş do pêlê diyine yê vîrûsî rayêko bîn Dinya ra vila bibo. Zanîngehê Hong Kongî ra Epîdolomolog Ben Cowling, hîşyarêko krîtîk kerd û vat: “Eke tedbîr bêrê sistkerdiş, do pêlê diyine yê vîrûsî bêro.” Cowling dîyar kerd ke o bawer nêkeno ti welatêk biwazo tedbîran lez sist biko û aşkera kerd ke kam welat tedbîran sist biko, do vîrûs no welatî ra hewna bido piro. Goreyê Cowlingî tedbîrê dijwar hetanî aşmê hezîran û temmuze zî nîrê sistkerdiş û mesafeya mabenê merdiman de zî bêro pawitiş. MERKEZÊ XEBERAN