Seranserê Ewropa de vera qayûm tayînkerdişê şaredarîyanê Amed, Wan û Mêrdînî yê îqtîdarê AKP û MHPyî de çalakîyê piştîdayîşê HDPyî dewam kenê. Roja 19ê Tebaxe ke qayûmî ameyî tayînkerdene ra nata Ewropa de xeylê welatan de çalakîyî yenî viraştene û Kurd û dostê Kurdan raşteyan de yî.
Welatanê Swîsre, Almanya, Swêd, Yewnanîstan û sewbîna de kurdîstanijjî vejîyayî raşteyan û vera hêrişanê îqtîdarê AKP û MHPyî de reaksîyon nîşan dayî. Çalakîyan de siloganî ameyî eştene û vilawekî ameyî wendene. Bajarê Dortmundî de zî seba ke melumat bêro dayene, stand ame akerdene.
Qiseykerdişê ke ameyî kerdene de ame vatene ke vera faşîzmê AKP û MHPyî de sere de Milletê Yewbîyayeyî û dewletê mîyanneteweyî çimanê xo padenî û rolê 3 meymûnan kay kenî. Çalakgêran dîyar kerd ke ê do heta ke faşîzmê Erdoganî peynî beno, ê do raşteyan de bibî û ê do destûr nêdî nînan.
BRUKSEL