Rêberê Şarê Kurd A.Ocalan yew pêvajo da destpêkerdiş. PKK zî, gore Ocalan pêvajo raverbena.

Pê vendayîşê Ocalan, PKK, 23ê Adarê de adirbirnayîş beyan kerd. Gerîllayê HPG zî, gore na qerarê PKK, çalakîyan nêkenê. Xo ra PKK, vati bi, heta êrîş  ser gerîllaya ma nêbibo, gerîllayê ma zî êrîş nêkenê. La ser gerîllayê ma êrîş bibo, ê gerîllayê ma zî çalakîyê qisas girewtişê bikerê. Heta nika, gerîllayê HPG, gore qerarê PKK gerenê. PKK, se vana, eynî hina anena ca. PKK, wayîrê vatişê xo vejîyena. Xo ra PKK, heme nê cîhan de bi raştî û durîstîya xo yena şinasnayîş.
Se vana, hina zî kena. Vatiş û ciwîyayîşê PKK, ze yewbîn o.
PKK heta nika, çi kewt barê xo ca ard.
La AKP, gurîyê xo ca nê ard. AKP, wazena herkes îdare bikero û kare awerê biker o.
Ser sîyasetê AKP de,  yew mesela esta.
Name na mesela “Di Axa û Şerîet” î ya
"Vanî yew dewe de di hebî axayî benê. Tim û tim reqabet de yê.
Rojek yew mesela ser munaqeşe kenê. Piya nêkenê vanî ma şîyerê şerîet.
Rojê xo tayin kenê û ciyabiryenê, şinê keye.
 Roja ke verê rojî şerîetî axayan ra yew şino melayî hete vano: “Mela siba ma yenê to hete şerîet. Mi vato heş leyîran keno û zêdîyeno. Wa to vîr de bo.” Dima zî yew kîseyê zerdan geno keno binê kulavî ra û kuweno tever.  
Ey dima axayo bîn kuweno zerre. O zî vano: “Mela ma siba yenê to hete şerîet. Mi vato heş hakan keno û zêdîyeno. Wa to vîr de bo.” Dima o zî yew kîseyê zerdan keno binê kulavî ra. Dano piri şino keye.
Rojê şerîetî yenê melayî hete. Mela ewniyeno hetê kamî vajo o bîn yers beno. Vano: “Mi şerîetê şima kerdo. Heş xo ser yew heywan o. Canê ey waşt leyîran keno. Keyfê ey waşt hakan keno.”
Herdi axayî zî na cewabê melayî ra mat manenî. Ewniyenî yewbînan ra danê ra şinê”.  
AKP, bena wazena  ze na mesela, Tirkperestê faşîstan û Kurdê  ke azadî wazenê her diyan ze melayî na mesela îdare biker o.
La wa AKP bizano ke, sabrê Kurdan heta nê caye ko.
Xo ra beyanete ke KCK ewro bido, uca de ê heme çîyon zelal vajo.