Artêşa tirk 25ê nîsane de bi teyarayanê xo hêrişê Şengal û Rojawanî kerdbî û netîceyê hêrişî de bi desan kesî merdbî. Reyna netîceyê hêrişî de xeylê cayî rijîyabî û nê cayan ra yewe zî Bexçeyê Rayber Apoyî bî. Hêrişî ra dima êzidîyî bexçeyî newe ra viraştî. Babete ser o Hisên Şêx Nayîfî qisey kerd û va “Bi seyan reyan zî birijnî, ma do newe ra bivirazî.”
Sîvyan Newaf zî dîyar kerd ke ê dê vera hêrişan de xover. Edûl Xwedêye zî wina va: “Ti sucê ma çinêbî û înan hêrişê ma kerd. Ma ra çi wazenî? Yê ke vanî wa PKK Şengal ra bivejîyo, bi seyan ciwan, cinî û domananê ma çeteyanê DAIŞî rê qurban kerdî. PKKyî bi gonîya xo Şengalî azad kerd. Pêşmergeyî bi wesayîtan remayî la 12 PKKyî destûr nêdayî ke qetlîyam bivirazîyo. Şengal yê êzidîyan o û ti kes bawerîya xo kayanê PDKyî nêano. Ganî êzidîyî wayîrê Şengalî bivejyî.”
HADÎ ÎLYAS/ANF/ŞENGAL