Bi wesîleya serrgêra 39. ya PKKyî de Ewropa ra heta Kurdistanî xeylê cayanê dinya de pîrozkerdişî ameyî/yenî viraştiş. Kurd û dostê kurdan heme cayan de vejîyayî raşteyan û serra 40. ya PKKyî pîroz kerdî.
Bitaybetî bajaranê Almanya ra Bremen, Bonn, Mannheîm, Stuttgart, Essen de, bajaranê Fransa de Marsîlya û Draguîgnan de, bajarê Kanada Toronto de, Mexmur û xeylê cayanê bînan de şahîyê pîrozkerdişî ameyî viraştiş.
Pîrozkerdişan de sîyasetmedarî qisey kerdî û qiseykerdişanê xo de qala têkoşînê azadîye kerdî û serra 40. ya PKKyî pîroz kerdî. Sîyasetmedaran qiseykerdişê xo de bale antî tecrîdo ke Rayberê Şarê Kurd Abdullah Ocalanî ser de yeno meşnayîş ser û azadîya Ocalanî waştî.
Reyna pîrozkerdişan de bitaybetî şexsê şehîdê Bestayî Delal Amede û 12 gerîlayê bînan de heme şehîdê Kurdistanî ameyî yadkerdiş û qala heyfgirewtişê nê gerîlayan ame kerdiş. Zaf cayan de qiseykerdişê Hemserekê KCKyî Cemîl Bayikî sey sînevîzyonî ameyî nawitiş.
Pîrozkerdişan de xeylê hunermendî ca girewtî û beşdarvanî bi deyîranê hunermendan bi hawayo coş govend girewtî û bi çepik û tilîlîyan serra 40. ya PKKyî pîroz kerdî.
ANF/BRUKSEL