Prof. Dr. Gazî Çaglar Planê Masterê ser qise kerd û vat: “AKP wazena bi pûçkerdişê muhtewa, tasfîye bikera. Ma finakê destpêkê înan goşdarnayî; gorê înan ê ke Cizîr û Sur bi tanq û topan xirap kerdî, sivîl qetil kerdî nê ‘faşîst’ î, xoverdekar û HDP gorê înan faşîst î.”
Nîqaşê xorayîrberdişî
Çaglar Planê Masterî ser wina vat: “Seba ke şarê Tirkîya vernîyazê demokrasî û xorayîrberdişî nîqaş nêkero, AKP şer da destpakerdiş. Bi bedilnayîşê qanûnê şaredarîyan ra AKP wazena, demo ke waşt şaredarîyan bi rayîrê kayyuman aver bera. Na yew seba vînayîşê ferasetê demokrasî ya AKPe belgeyeke muhîm o. Bi awayekî aşkera vana; ‘Ez do weçînayîşê ser nêkewa, çew nas nêkera.’ Na yew bandorê îcraetê şaredarê DBP bikera. Nê şaredarî ameyî weçînayîş, wezîfe ra bêrê girewtiş. Kontrolê malî şaredarîyan bêro kerdiş, bin nameyê ‘Sûcdarkerdişê hetkarîya terorî’ de hewl bidî bêqimet bikerî û personelan gorê zerrîya xo bibedilnî.”Çagler ciresna ke AKP wazena bi Planê Masterî komelî xora girê bida û AKP qiymet bida tevgerê polîtîk ê kurdê îslamî û bi beşdarkerdişê dîndarê nêzdê xo, eşîrê nêzdê xo, zanîngehê nêzdê xo, muzîkê nêzdê xo projeya ‘Yewîya netewe û pêrabeste’ saz bikera.
ANF/BRUKSEL