Bajarê Almanya Kolnî de xeylê rêxistinê cinîyan platformêk awan kerdî û no platform îzehetêk da çapemenî. Yewîya Cinîyê Sosyalîstî yê Ewropa (SKB), Tevgerê Cinîyê Kurdî yê Ewropa (TJK-E), Cinîya Newe ya Ewropa, Tevgerê Cinîya Demokratîke (ADKH), Cinîyê ke Dinyaya Bêro Cuyayîş, Yewîya Cinîyê Kurdî yê Almanya (YJK-E), Cinîyê Kurdê Êzidî, Cinîyê Kurdê Elewî, CÎK-Cinî, Cinîya Ciwan, Buroyê Aştî yê Cinîye (CENÎ) mîyanê nê platformî de cayê xo girewtî.
Destpêka îzehetî de ame vatiş ke ‘Ma cinîyî weçînayîşê 7ê hezîrane de Ewropa de hetê aştî, azadî û seyyewbînanî de reya xo xebetna. Ma bi çalakîyanê xo zext, zordarî û tedayanê AKP û Erdoganî ver sere nêrona û ma ziqaqan nêverda. Reyna ma vera polîtîkayê AKPyî ke kurdan qetil kerdênê, elewî û nasnameyanê bînan çinî hesibnayênê û hêrişê tebîet, cuye, cinî û sewbîna heme çîyî kerdênê de bêveng nêmendî.”
Dewamê îzehetê platformî de ame vatiş ke ‘ma do îqtîdarê AKPyî ke pêşnîyazê bedilnayîşê qanûno bingeyî bi hawayo lez meclîs ra derbaz kerd û seba ke heme selahîyetan dormeyê Serekkomarî de kom bikero xebetîyeno rê vajî nê’ û sedemê vatişê ‘nê’yî wina ameyî rêzkerdiş:
-Ma sey cinîyê ke bi sedemanê cîya-cîyayan ver mecbûr mendî teberê welatê xo de cuyenî, derbekaran û dîktatorê yew kesî ra vanî nê.
-Ma wezîrê AKPyî ra heta Erdogan û heta heme îqtîdarê kehenperest û şerîatkaran rê vanî nê.
-Ma rejîmo faşîst ke şîddet xelq keno rê vanî nê.
-Bi Sîstemê Serekî û rejîmê dîktatorî azadîya cinîyan yena astengkerdiş, cok ra ma vanî nê.
-Polîtîkayê ke cinîye keye de hepis kenî rê nê.
-Hemserekî yeno astengkerdiş, wekîl û hemserekê şaredarîyê ma ameyî tewqîfkerdiş. Ma do vajî nê.
-Ma îqtîdaro ke vano ‘tena bawerîyêk’ rê vanî nê.”
KOLN