Nêzdê 10 kesê seba paştî bidê welatijan raştî hêrişê polêsan amey. Verba qezaya dûrîyana Fatîhê nêzdî 10 welatî hetê bi desan polîsan amey dorpêçkerdiş û peynî zî polîsan bi wesayîta zirxî welatî berdî peynî awanîya îtfaîyeya Sultanbeylîyê. Welatijan vatê ke di oca de zî hetê polêsan nêzdî di saetê bi dar, destikê înan derb kerdî û heqeretî înan kerdî. Peynî zî polêsan welatijê berdî Qereqola Ahmet Yesevî û di noca de zî rojekê di binçimê veraday. Welatijekê ameybi binçimgirewtiş peynî serbest amey veradayiş. Welatijan vatê ke înan di nêweşxaneyî de nêamey muayenekerdiş.

 Welatij nameyê ey Îsmaîl Adak vat ke rojake amey derpkerdiş hetanê ewro di mîyanê cilan de yo û wina vat: “Dema ka çalakîyê estbi, kênaya min zî di karê de xebityaynê, min zî waşt kênaya xo karê bigo û bîyaro keya la belê di rayîrê polêsan min girewtî binçimê. Peynî zî polîsan min bi dar û destikê kutî.”
Adak aşkera kerd ke polêsan dema ke ey gênê binçimê, ey benî peynîya wesatîyeke îtfaîyeyê û wina domna: “Polêsan nêzdî di saetê peynîya wesayîtê ma kutî. Polêsan ma ra vatê; ganîyo ma şima bidê destê DAIŞê û nê DAIŞijan zî sareyê şima birnê û Demîrtaş zî bêro şima bixelisno. Peynî zî ma ra kifr kerdî. Ma guya seba muayenê berdî nêweşxaneyî la doktoran ma muayene nêkerdî û tena ser kaxizan çik nuştî û peynî zî ma berdî qeraqolê. ”
Adak destnîşan kerd ke qanûneke newe AKP bivejno, neyarê komele yo û wina domna: “Vanê ma ê selahîyetê polêsan zaf bikerê, ka bi no selahîyetî nika di destê înan dayo bê çi ardî sareyê ma, gelo selahîyetê înan bêro zafkerdiş çi ma ra bikerê. Seba kurdan huqûq çin o. do bê huqûqîya ser kurdan zaf bibo.”
Welatijê ke hetê polîsan ameya derbkerdiş Cuma Tanlasî zî dest nîşan kerd ke dema hetê polêsan ey ameya derbkerdiş esteyê lingekî ey di cayê sewbî amey derîzanayiş û wina vat: “Hetê polêsen ma nêzdî di saetê amey derbkerdiş. Dema ke ma berdî nêweşxaneyî vatê çikekî ey çin o la ewro ez şîya nêweşxaneyeke taybet û min ra vatê di estîyê lingekî de di estê şikyayê.”

DÎHA/STENBOL