Polîsanê Tirkan nuqteya kontrolî ya ke vernîya dekewtişê awanîya Şaredarîya Dîyadînî de ronabî de şoforê meqamê şaredarîye Mehmet Hayrî Orûçî tacîz kerd. Hemşaredar Evren Demîr û Betul Yaşara ke waşt mudaxeleyê nê halî bikerê hetê polîsan ra bi hawayo kelemçekerde ameyî derbkerdene. Hemşaredar Demîr ame berdene bi nêweşxane.
Polîsan bi copan da serê hemşaredar Demîrî ro, dima ra bi kelemçeyê çepî ê erd ro kerd derg û pê lingan da ê ro. Hetêna ra bi copan dayî destê hemşaredar Betul Yaşare ro zî. Dimayê qewimîyayîşî polîsan dest da serê dîmenanê şaredarîye ser de.
Parlementera bajarî Dîlan Dîrayet Taşdemîre ya HDPyije ke awanîya şaredarîye de bî qisey kerd û wina va: “Faşîzmê AKP-MHPyî ewro şaredarî kerda sey qereqolî. Teberê Kurdistanî de nuqteyê kontrolî tu şaredarîyêk de çinê. Tena Kurdistan de bicaardişêko wina taybet esto.”
Heman wextî de Taşdemîre arde ziwan ke polîsî kewtê zereyê şaredarîye û dest nayê serê dîmenanê şaredarîye zî û wina va: “Ez polîsî ra vana ti bi çi hawayî dest nanê serê dîmenan? Vano, ‘fermanê dozgerîye yo’. Ez ê ra fermanê dozgerîye wazena, vano, ‘tena dayo mi’. Ma fermanêko winayên mumkun o? Ganî ti dokumentêkê fermîyî bîyarê, ganî ti hemşaredaran ra destûr bigêrê.”
ANF / AGIRÎ