Di Cîzrêye de hewna 14 serra yew ciwanê kurd ame qetilkerdiş, peynî zî bi lezî heqê no qewimyayişî biryarê nimite amevetiş. Heme şarê kurd no biryarê fam kerd ke do no cipersayiş aver nêşîro. Do hesabê no ciwanê kurd qet yew amîrê emnîyetî nêdo.
Peyama hesab nêdî
Dewlet vat; ma kiştî do ma hewna bikişî. Di serehewanayişê Kobanê de Umît Kurt ameybi qetilkerdiş.Goreya www.evrensel.netî no qewimyayişî ser Navenda Heqê Merdimatîya Baroya Şirnexê rapor hadre kerda. Di raporê xo de Baro dîyar kerda ke Polîsê AKP bi hedefgirewtişî Umît Kurt qetilkerdî û wina ameyavatiş: “Di verê 6 çeleye şarê Cîzrêye xobixo pawiyayiş rê di taxê Cudî, Nur û Sûrî de xendek akerdbî û peynî zî bi pêvînayişî rayedarê dewlet û Hemserekê Şaredarîyê xendekan ameybiqefelnayiş.”
Nê tebîtê estî
Baroya Şirnexê di raporê xo de aşkera kerd ke xendekîke di taxa Cudîya Cîzrêye ameybiakerdiş bi pêvînayişê rayedarê dewlet û Hemserekê Şaredarîyê xendekan ameybiqefelnayiş, eynî rojê zî di kûçeya Zîraet û dorûverê na kûçeye zî ceryanî ameybibirnayiş û welatijê taxî vatê, bê pirsgirêkê ser ceryan ameyabirnayiş û polîsan verê kewtişê taxî ceryanan birnay. - Hewna raporê Baroyê ame dîyarkerdiş ke dema qewimyayişî tam saetê werdî 10 heb wesayîtê zirxî ya emnîyetî seba provokasyonê kewtî kûçeya Zîraetî, welatijan zî vatê; dema ke polîsan kewtî kûçeye qet çew di kûçeye de çinîbîyê û sebake ceryanî zî çinî bîyo, kûçe tarî bîyo, peynî zî welatijan vengê çeka Kanasî eşnawitî û peynî zî pacayan xo ra vînaye ke polîsan kewenê kûçeyî. - Hewna di raporê Baroyê de ame aşkerakerdiş ke welatijan vatê ke peynîya vengê vînayî ke 14 serra ciwanê Umît Kurt bi cilê xo karî ya boyaxê ameya qetilkerdiş. Taybetê gule zerrî Kurtî ra ginayo û taybetîya cayê mojneno ke Kurt bi hedefgirewtişî ameyakiştiş. Dema ke Kurt ameyakiştiş, no demî ser ey de cilê karê boyaxê bîyo. Polîsan Kurt hem qetil kerdî hem zî destûr nêdayî ke çew Kurt bibero nêweşxaneyî. Qetilbîyîşê Kurt ra pey wesayîtê polîsan taxî ra vejîyay. Hewna di Odeya Sanîyaya Bazîrganîya Cîzrêye de karmend Çelî Sakçakî zî polîsê AKP birîndar kerdî. Çi bal bîyo ke dema gêrayişê wesayîtê polîsan, wesayîtê polîsan de plaka çinê bîyo. Tewr peynîya raporê xo Baro aşkera kerd ke peynîya qewimyayişî polîsan wesayîtî xo ra plakay nêpanayî, no zî bawerîya emnîyetê çimê şarê Cîzrêye visto, ganîyo ke mudirê Emnîyeta Cîzrêye wezîfeyê ra bêrogirewtiş.
NAVENDA XEBERAN