Mahsum Korkmaz bi nameyê bîn Egîd, fermandarê efsanewî yê gerîlayanê kurd o. Korkmaz serra 1956î de qezaya Amed Farqîn de ame dinya. Egîd wexto ke hewna qeçek (doman) bi, malbata xoya pîya koçî Batmanî kerd û wija bi pîl. Egîdî, Batman de, rayveranê Hereketê Azadî ra Mazlûm Doganî silasna û bi embazê ey ê rind û serkewte. Bado ke Mazlûm Dogan silasna, wextê kilmî miyan de, xo ravey berd.
Botan de bingeyê tekoşînê gerîlatî eşt
Mahsûm Kormaz bi nameyê bîn Egîd, bi xebatanê xoyê serranê 1977 û 1978î ê Batmanî de vejîya ver. Egîd qandê (serva) rêxistinkerdenê karkeranê Batmanî kewt miyanê hereketî. Bi xeyrê xebatanê ey, 1979î de şaredarîya Batmanî kewt destê azayê hereketa serbestî Edîp Solmazî.Edîp Solmaz eynî serr de, hetê qontrayê tirkî ame kişten. Kiştenê Edîp Solmazî ser Egîdî de tesîrekê gird kerd. Korkmaz, Çile ya serra 1980î de şi Lubnan û badê perwerdeyê 7 mengan fina da bîn ageyra welat û Botan de hîmê hereketê gerîla çekerd. Kongreyê 2. yê PKK de, zey azayê Komîteyê Navendî û azayê Konseya Navendî yê HRK weçîniya.
Erûh de guleya sifteyîn
Badê kongre, ancî ageyra welat û hadreyînê hemleya 15ê Tebax kerd. Badê hadreyînê 3 serran, bi jû koma embazanê xoya pîya 15ê Tebax de, çalakiya qezaya Sêrt Eruh de, startê dewr û dewranekê newî da. Bi hemleya 15ê tebax ke, rayverîna Egîdî de viraziya, tarîx û qederê kurdan endî virnîya. Qandê heme kurdan, bi taybetî qandê gencan û gerîlayan bi kesê nimûne.Kurdî werzaynay pay û kurdî resnay rojanê ewroy. Fermandarê gerîla Mahsum Korkmaz, 28ê Adara serra 1986î de, Gabar de weşîya xo kerd vinî. Kormaz bi nameyê bîn Egîd, zey Fermandarekî efsanewî ê gerîla kewt tarixa Kurdistan. A roj ra tepîya Egîd, bi nameyê hezaran qeçekanê kurdan.
NAVENDÊ XEBERAN