Serra 1991î nika bi hemkarîya PDKî Dewleta Tirkan Kurdistanê Başûrî ra hêrişê îşxalî kena. Zinê Wertê rasteyê YNKî ra keweno no ser zî ganî bî ke PDK qewetê xo no rasteyî ra biantinî la PDK bi kontrole TCî çekê giranî takvîyeyî no rasteyî kerd û YNK zî qewetê xo yê antîterorî destpê şirawitişî rasteyî kerd. Zînê Wertê seba ke rasteyê Raperîn û Soranî yewbînan ra girêdana û Rasteyê Pawitişê Medyayî ra zî nêzd o no ser zî cayêko bi stratejîk o. Dewleta Tirkan a îşxalkar bi serranê ke wazena nê rasteyan de bandorê xo birona la hetanî nika nêeşkîya bika. Xetê Xakurkê, Haftanîn Metîna, Zap û Zagrosî mîsal ê. Nê raste û herran,  tewro pank a herrê kurdan ê. Çi heyfo ke nê herrê bi pank bi operasyonê PDK û Tirkan, qewetê mêtingeran ra yenê pêşkêşkerdiş. Peynîya îxanetî Keyepelê lekolin.orgî nuşteyê Militan Rêhatî de operasyonê Zinî Wertê ser o bal yeno antiş. Zinî Wertê bi pozîsyonê xo yê stratejîkî, cayêko zaf bi muhîm o, misal xetê Barzan, Tepê Xudê, Xakurkê hîrê parçayê Kurdistanî yewbînan girêdanê. Mintiqaya Haftanînî de Kurdistanê Rojhelat, Başûr û Vakûrî yewbînan pêrabesyenî. Yeno zanayiş ke serrê 90î ra nika sey birca gerîllayî ya û qewetê gerîllayî zî pawitişê xo yê Başûrî nê rasteyan ser o ronayê. Dewleta Tirkan a mêtinger û qewetê teber,î cayê PKKî, qewetê pasîf sey PDK û YNKî tercîh kenê. Gelo qey taybetî Zinî Wertê? Serrê 2017 û 2018î de vera Kurdistanê Başûrî de Dewleta Tirkan polîtîkayê xo yê îşxalî bi operasyonan hîna hera kerd. Bi rêze qilê Xakurkê, Bradost, Lêlîkanî ameyê îşxalkerdiş. Seba mintiqayê Kurdistanê Başûrî yewbînan ra birnayişî ser o hêrişê xetê Raperîn Soranî kerd. Hema zî xetê Behdînan (Zap, Metîna Haftanin) û Soran (Xakurkê, Xinêre, Diyala ve Sîdeka) binê îşxalî de yê. Operasyonê Dewleta Tirkan sey nakokîya PDK û YNKî destgirewtiş şaş o, no operasyon hamleya mergî ya şarê kurd a. Armancê Dewleta Tirkan Qandîl binê bandorê xo girewtiş o. Bi hetkarîya PDKî Kurdistanê Başûrî de nêzdî 20 qeraqolê viraştê, Dewleta Tirkan hetê lojîstîk û îstîhbaratî de PDKî ra hetkarî da. Nê rasteyan de şehadetî seyî ra 90î peynîya îstîhbaratê PDKî qewimyayê. Tena operasyonêk nîyo Çemê ke mintiqaya Soranî; Xinêrê û Xakurke ra herikyenê û Qendîlî ra resenê ser o bi hetkarîya PDKî, Dewleta Tirkan wazena 22 bendawê biviraza. Operasyonêk tena lejkerî nîyo, bi no operasyonî armanc kenî ke heme çimeyanê awa Kurdistanî binê bandorê xo bigê. Bi serranê Dewleta Tirkan operasyonê xo ra serkewt nêbî la bi hetkarîya îstîhbaratîya PDKî hewna operasyon yeno kerdiş. Merkezê Qewetê Taybetî yê Bapiştê de Qewetê Taybet ê Tirkan zî perwerde gênê. Rayîrê Heci Omeran, Kodê û Çomanî ser o sey cayê Koyanê Zinê de pozîsyonê rasadî ameyê ronayiş û çi heyfo ke nê cayê pozîsyonî de pêşmergeyê zî sey ajanê Dewleta Tirkan xebat kenê. Eke Operasyonê Zinî Wertê serkewt bibo Eke operasyonê Zinî Wertê do serkewt bibo no dem sînorê PDKî, Kurdistanê Başûrî de hera bibê û êdî Kurdistan bibo parçeyê ke sînorê ci çin o, çimkî Dewleta Tirkan a îşxalkar wazena nê sînoran binê bandorê xo biga. Operasyonê Dewleta Tirkan û PDKî verdewamîya operasyonê Xwedê, Xakurkê û Geliyê Reşî yê. Eke no operasyon serkewt bibo do no dem hêriş xetê Qandîl û Asosî ra bêro kerdiş. MERKEZÊ XEBERAN