Vîrê ma de yo, par aşma hezîran bî, birêz Ocalan hewna yew pêvînayiş de heyeta HDP û DBP ra waşt qabî merhalê muzakere zî wa çend heyetî awan bibî. Birêz Ocalan tuwext muxataban xo bawer nîbi ke tim waştenê hemê dîyalog û pêvînayiş wa binî çimderîya heyetan de bo.
Waştenê her kargerîya pêvajoya çareserî wa qanunî bo, fermîyetî de bo. Qabî heyetan yewna şertî birêz Ocalan estbi. Waştenê nê heyetan de her namzet, wa hemê qade komelî ra berê weçînayiş, waştenê yew heyeta demokratîk ya muzakerê zî awan bo. Waştenê nê heyetî wa xebata ombudsmanî bikêrî.
Netîce de pera peynî dewlet se kerd? Bê eware, bê ewiqnayiş, tirtirê yew sifir. Û bê tirtirê hezaran bovlatî… Dewlet bê dijwarî, bê hedrebîyayişî herb çîyêk zî nêkerd. O ke ma zanê temenê yew zûre şeş aşmî ya. Meşelehê zûranî no hikûmetî est ê. Çend bi hûmar, reyna-reyna bi humar nîqedîyenê. Hetek ra guya yîmî (zemînî) muzakere kena hedre, serr nî qedîya, vat; çi muzakerê, çi mutabaqat (deklerasyon). Hetek ra zî guya muhteşem yew heyeta eqilmend awa kerd, rapor ser rapor nusîye, serr nî qedîya vat; pêvajoya çareserî çîna, meseleyê kurd çîna, heyet meyet farazî yê. Ez dergaderg nê zuran nînusî, rastî bi namê merdimahî şerm kena. Çimkî ewro aşkera-aşkera guragur herb ferz bîyo. zûrê pratîkîde yê.
Seko yenozanayiş hikûmat, zîhnîyeto tekperest verbi talebî sîyasî hereket kurd, verbi ferzkerdişî birêz Ocalan nêçar mend, heyet pêk ard. Zaf zî here mend. Bi serran zî meseleyê kurd ewiqna. Tabî ke hikûmat pera peynî projeya heyeta eqilmendan, seke proje xo lanse kerd, vat na proje yê Ocalan nîya, ya min(Akepe) a.
Raştî, tarîxî Komare de qabî çareser kerdina meseleya kurd dora yewîn bî, newe yew merhale despekerdbi, ayera zî na proje rayapêro de alaqa dî. Çimkî proje rast yew proje bî. No proje de ame waştiş Komela Tirkîya derheqî pêvajoya çareserî de bi malumat bo. Komela Tirkîya îqna bibo. Ma zanî tuwext yew persgirekî şarî Tirkîya û şaro kurd çîn bî. Na mesele de a kî îqna nîya dewlet bî. Famî dewlet hendekbi. Gelo dewlet xo îqna kerd? Nê kerd. La reyna zî meseleyê kurd ame nirxnayiş, kedê eqilmendan sarre û çimanê ser la sey her wext dewlet hîna zî meseleyê kurd de dirust nîya.
Zere no hefte de na heyeta eqilmendan ra grubêk qabî newe bîyayenan ami têhet. Omidî xo deklere şarî Tirkîya kerd. Terefan ra adirbestî waşt. Dîyalog waşt. La ez îtîraz kena. A kî adirbest îhlal kerd, a kî dîyalog ra rema/remena, heza tekperest a. Verkan gera no zîhnîyet rexne û rencî de bibîyenê. Çi hef ke nayan ra hîrê nimuneyê yê (Can Peker, Hîlal Kaplan û Yildiray Ogur) AKPyî agirbest û dîyalog dirust nîdî. Eqilmendan sey Erdogan aşkera-aşkera vat; ma haşîtî nêwazenê. Projeya heyeta eqilmendan zî ona qedîya. Reyna riyo zûreker û rîyakar tescîl bi.
Mistefa ŞAHÎN