AKP û serekkomarê Tirkîyayî Recep Tayîp Erdogan semedo ke HDP şaristanêy tirkan de raya xo zêd bikero ra terseno. No hawayî ra wazena ke potansîyela ke vinî kerda apeya bigera. Yanê wazena ke rayê nijadperestan bigera hetê xo. No semedî ra zî zey provokasyona Agirî provokasyona bi şîdet û gonî viraşt. 

Serkewtişê HDPî serkewtişê şaran o. Kesêy ke bawerê azadî û aştî kenêy 7’ê hezîranî de do bibêy bawerîya heme şaran. Serkewtişê HDPî verbê dîktarorîya Erdoganî partîyake bişikyo bivindero yo. No semedî ra ters kewto dilê AKPî û Erdoganî û ling û destê înan kewto têmîyan. Tersa înan ya herî gird zî şarê tirk HDPî qebûlkerdiş o û girdbîyayiş û demokratîbîyişî Tirkîyayî yo. No semedî ra yo ke AKP wazena ke verbê HDPî de bivindera ke rayîra serkewtişî bi konseptêy gemarine pratîze bikera.


AKP bi tersdayişî terbîye kena?

AKP Agirî de bi dek û dolabêy zaf girdan ra dim de zî weçînayişê şaredarîyî vinî kerd. Dezgeya ke na gam ronayê tesaduf nîyo. Bi provokasyona AKPî waşta ke şarê Agirî rayeke bîn zî ceza bikera. Çimkî AKPî têkşîyişê Agirî hewna vîra nêkerd a. No semedî ra zî, her firsetî de wazena ke heyf bigera. No provokasyonî de HDP, weçînayeyê kurdan û şar û gerîlayê şarî ra û welatijêy Agirî ra heqareteke zaf gird o. 

Bi ney waşto ke şarê Agirî bitersnêy û asîmîlayonî hewna xorî bikera. Bi qirkerdişêy tewr bi tewr û newe neweyan wazeno ke qirkerdişan şarê kurd ra rewa bido mojnayişî.


Armanc qirkedişê kurdan o

AKP kişteke de zî bi provokasyonan wazena ke têgeyrayişê Rayverê Şarê Kurd Abdullah Ocalanî yê aştî û biratêyî pûç bivejo û no ravêreyeyî peynî bikera. Bi provokasyoneke wina dewleta tirk serrêy 1920 ra naşt waşta ke kurdan qir bikera û bi polîtîkayê xo waşta ke kurdan bihelîno. 

Dardakerdişê Sêx Seîdî ra naşta, waşta ke qirkerdişêy ke kurdan ser de keno her tim zîndî tepêşo. No semedî ra, nêwazena ke sîyaseteke verbê qirkerdişan bivindero bibo. Hukûmata AKPî akerdişê kurdan, elewîyan û demokratîkî ra çîyê ke fam kena, qirkerdişê kurdan o, konseptê gemarin, şerê taybet û provokasyonî yê. No semedî ra zî Agirî de provokasyoneke wina ya bi lejkerî viraşt. Armanca ci rayeke bîn kurdan bişibîno xo û kurdê xo awan bikero ke kurdan bikero binê betonî ke polîtîkayê qirkerdişî pêk bîyaro û kurdan qirbikera.


AKP û Erdogan wazenêy kurdan qir bikerêy

Çaresekerdişê konsepta ke esto de famkerdişê polîtîka AKPî rayeke bîn nîşan kerd ke wazena şarê kurd tasfîye bikera. AKP rayeke bîn xo deşîfre kerd ke her weçînayişî ver de qala ‘çareserî’ kena û şaran bi taktîkêy vila aşt û naşt kena. Armanca ay a sifteyine belî bike aştî û biratî nîyo.

Foto û dîmenêy ke cayê qewimyayişî de bîyê zî ney vatişî paştîraşt kenêy û delîleke akerde yê. Semedo ke weçînayişî de biser bikûro û HDP qezenç mekero ra lejkeranê xo qetilkerdişî ra apeya nêvindena. Semedo ke rayê nijatperestan bigero ra zî boya gonîyî beno zîncîya înan ke rayê înan bigero ra hereket kena. Provokasyon tenê Agirî de nê zaf cayêy bînan dewam bikero ra têgeyrayişî mîyan de ya.


Wa aştîwaz hişyar bibêy

AKP aşkeradayişêy xo ra dana famkerdiş ke şarê kurd û HDPî zey texteyê nîşanî mojnena tirk û kurdêy xo. No senî ravêreya çareserîyî yo, no senî akerdişê demokrasîya Tirkîyayî yo, no senî birateya şaran o?

No herîş, verbê kesêy ke bawerîya xo bi pêvînayişêy Dolmabahçeyî ya aştî û birateyî ra kerdê ra, provokasyoneke herîşwarî yo. AKP û Erdogan bi qisey xo û hêzêy xo yê ke destêy înan de yê verbê azadî û aştîyîya şaran de sûceke kerdo lazimo ke heme kesêy aştîwaz vengê xo berz bikerêy. 

Lazimo ke rayîra provokasyonêy gonîyîn yê winayine bêro girotiş. Lazimo ke kesêy aştîwaz bi her hawayî bertekêy xo verbê provokasyonan bi hawayeke wişk bimojno. Eksê ci heme têgeyrayişêy bi serran yê semedê aştî û biratîya şaran heme têk bişêrêy û bibo semedê zaf serrên ma ke no zî yeno mana ke şer do zaf derg û bi gonî ravêro û heme tewr merdimîy do bikûrê şerî mîyan.

 

HDP şanseke zaf gird a aştîyî ya

Heme kesîy aştî ra mesûl êy. Semedo ke amayişê xo ma weş, geş û aşkera bikerêy ra weçînayişê 7’ê hezîranî zey firseteke gird ma ver de yo. Semedo ke verbê kaos, şer û polîtîkayê gemarine berêy girotiş ra HDP ma ra zey nîmeteke vindena. HDP semedê aştî û birateyî pêk bîyara ra nîşana herî çiman ver ya şên ber a. 

Şanseke zaf gird ya semedê ma ya. Ma ney şansî ferq bikerêy û ay ra wayirtey bikerêy!


FIRAT DÎCLE