Qanûna pawitişê kiştoxan vejenê

Reyhan Yalçindag vat ke Kurdistan de ravêreyeya newe ya binpêkerdişê heqê merdim dest pê kerda û destnîşan kerd ke seba pawitiş û rewakerdişê qirkerdişî, kiştişê kerdoxo nêdîyar û vînîkerdişê binê çiman de, qanûn yenî hadrekerdiş. Yalçindag vîr ard ke pêroyî belge û pêameyîşê mîyanêteweyî yê Tirkîya îmzeyê xo eşto binê zî, Cizîr de aşma çeleyî de merdim bi ganî ameyî veşnayîş û Neteweyê Yewîye nêeşkenî xo biresnî heremî û wina vat: “Bi tena demê qedexeyê Sûrî de raportora Tirkîya ya Meclîsê Ewropa Katî Pîrî ame, netîceyê têkoşînê a de seba vengûvajêrê DÎHA Mazlum Dolan û merdimê hetî ci korîdorêk akerdî û peynî ame kerdiş ke aqubetê hemgureyê ey Rohat Aktaş nîro serê ci.”

Hûrşît Kulter kotî de yo?

Yalçindag da zanayîş ke qewîmyayîşê vînîkerdişê binê çiman de kiştişê kerdoxo nêdayîr ê serrê 90’î, peynî Ebubekîr, Denîz û Serdar nê zey polîtîkayêka dewlete ame averberdiş, cayê kiştişê bêdaraz ameyî kerdiş labelê bi vînîkerdişê rayberê DBPe yê Şirnexî Hurşît Kulter ê verî 23 rojan ame binçimkerdiş û hetanê nika zanayîş ci ra nîno girewtiş, vînîkerdişê binê çiman de zey polîtîkayêka dewlete rayêko bîn dest pê keno. 

Planê qirkerdişê gird 

Yalçindag ciresna ke hawanayîşê destnêdayîşê wekîlê HDPe, belêkerdişê no berdilnayîşê hetê serekkomarî, qanûnê seba pawitişê hêzê dewlete yê heremê qirkerdişan de kenî, rewşêka tesadufî nîya û wina peynî kerd: “7’ê hezîrane 2015’î ra nika yewane semedê heriknayîşê gonî, netîceyê weçînayîşî yo. No ser zî dayîk û pîyê kurd û tirkî yê domanê înan ameyî qetilkerdiş wa vatişê desthelatdarî yê ‘bila 400 bibo, bi xêr bo’ ya zî ‘kaos ya zî aramî’ hesap bêro persayîş. Seba ke domanê înan no şerê desthelatdarî waşt de merdî. Heto bîn, armancêko bîn o bi qanûnî yeno waştiş bêro kerdiş, qirkerdişê gird î. No ser zey serrê 90’î zirxê qanûnê seba lejkeran yenî hadrekerdiş.”