Erdogan û AKP bi pîyakarîya CHP û MHP heqê destnêdayinê parlementeranê HDP hewada, raya girotin û mehkemekerdinê wekîlan akerd. Eynî Erdogan û AKP qandê (serva) fermandar û lejkerê ke Kurdistan de komkiştenan virazenê, kurdan kişenê, mal û milkê kurdan xesp kenê, heqê destnêdanî anê. AKP seweta na wastena ke kerdo qanûn, wexto ke meclîs ra ravêro, mehmekerdinê fermandar û lejkeranê kiştox hinî zehmet beno.
Protokolê AMASYA peyser anê
Seray û hikûmeta ci na qanûn ra pîya, protokolê Amasya ke, rol û erkê artêş keno vêşî û zey protokolê hedrekerdinê darbeyanê lejkerî hesibîyayê peyser ana. AKP serra 2010 de, bi reklam û protokolhe hera eno protokolê qalkerde hewadabi. O çax heveyê çoşmeyanê lîberal û roşnîkaran jî, pesnê AKP dabi û vatê ki, Erdogan'î wesayetê lejkerîn kerdo kemî. La belê Erdogan û AKP çarçiweyê konseptê lejê zaf-hetin de, Tîrmeha par de, bi artêş ra pêkerd û protokolê qalkerde yê rolê artêş keno vêşî, vistbi dewre. Nika zê o protokolo ke bi reklamê girdî hewadabî, peyser anê û ser de zî goreyê verî, mesûlîn û rolê fermandaranê artêş ê sûkan zî keno vêşî.
Goreyê na protokolî erk û rolê walî beno kemî, ê fermandaran beno vêşî, mehkemekerdin û akerdinê dawaya vera fermandar û lejkeran zî beno zehmet. No protokol û zehmetkerdinê akerdina dawaya vera fermandar û lejkeran, zey pêkerdinê Gladyoya Erdogan û Ergenekon hesibîyeno.
DÎHA/ENQERA