Amed de û 30 bajaranê Tirkîya û Bakûrê Kurdistanî de semedê tedbîrê vera Vîrûsê Korona qedexeyê tebervejyayîşî ame îlankerdiş la qeyûmê Amedî nê firsendî ra her ca de bayraqî aliqnayî. Ewro qezaya Sûrî û çend cayanê binan de dikanê ke qefilnayî yê, kepenkê înan ser o hetê ekîbanê qayûmî ra bayraqê tirkan amê aliqnayîş. Esnafî ke dikanê înan ê cadeyan ser o estê, hêrsê xo nişan dayê û vanê: “Xebera ma çin a. Qeyûm zorî keno. Milet derdê ganê xo de ya, qeyûm derdê şoventî de yo. Heto bîn ra Şaredarîya Amedî zî merdimanê xo û endamanê AK Pî rê ardiman vila kenî. Heto bîn ra ekîbê qeyûmî ewro çend cayanê Amedî de gedeyan rê bayraqî vila kerdî.” AMED