Di şaristanê Hanauyaya Almanyaye de Navenda Komeleya Kurdê Demokratîk (NCDK) xebatê xo domnena û na sazî ra 4 kesî Wekîla Partîya Çepî Sabîna Leîdîng zîyaret kerd. Heyeta NCDK dema zîyaretî vatê ke nika di Kobanê û Şengale de verba çeteyê DAIŞî têkoşîneke gird yena dayiş. Seba bal ontişê na têkoşîne zî dosyaya Kongreya Neteweya Kurd (KNK) pêşkêşî Sabîna Leîdîng kerd.  Heyet aşkera kerd ke nika rîyê rewşa zimistanî ser di zaf hûmarîy de kesî di mîyanê zehmetî de cuyenî, no ser zî waştişê înan a partîya Çep ra zaf o. Heyet aşkera kerd ke Partîya Çep seba hewanayişê qedexeya PKKî ser têkoşîn dana û no ser zî ê mennûn ê û ê Partîya Çep ra spas kenî. 

Tadeya 21 serrî
Bi nameyê heyet serekê NCDKî Omer Koyuncuer qise kerd. Koyuncuer aşkera kerd ke di Almanyaye de nê 21 serra ke taybetê ser Têkoşîna Azadîya Kurdistan zilm û tadeya ke gird est a, rîyê qedexeyan bi hezaran kesî maxdûr bîyê û sazîyê kurd zî amey krîmînalîze kerdişê, nê zilmê ser di zaf hûmarîy de malbatê kurd nêwazenê domananê xo bieşrawê sazîyê kurd û di zaf hûmarîy de ciwanê beşdarê çeteyê DAIŞî bîyê.” 

Têkoşîna kur

Wekîla Partîya Çepî Sabîna Leîdîng zî dema zîyaretî aşkera kerd ke ê seba hewanayişê qedexeya PKKî di heme warê de têkoşîna xo danî û zatî ê di dema nêzdî de ser sînorê xoverodakaran zîyaret kerdî û wina vat: “Xoverodayişê kurdan zaf balkeş a û na rewş elaqayê min zî ont. Na rewş zî mojna ke ganîyo ke ez kurdan reyde têbigêra. Ê ma keseke zilmê DAIŞ ra remay înan ra 10 hezer Euro hetkarîyê day la belê ma zî zanene ke no pere qiym nêkeno.” Hewna Leîdîng aşkera kerd ke ganîyo ke kurdan tena xebatê xo dîplomatîke tena Partîya Çep reyde sînor nêkerî. Leîdîng aşkera kerd ke nika di pêroyina dinyaye de sebak kurdan yew hîsgêrî est a û no ser zî ganîyo ke yew komîteya hembar bêro ronayiş û a zî do na komîteye  de eşkena ca bigera.

HANAU