Qedexe û dorpêçkerdişê ke Tebaxa 2015î de qezayê Gumgum Mûş de destpa kerdî û vilayê Farqîn, Bismil, Sûr, Nisêbîn, Cizîr Sîlopya, Gever, Hezex û Şirnexe bî, hona zî ramenê. 2017î de tewr vêşî zî dewanê Amedî de qedexeyê vejyayîşê teber amey îlankerdiş. Tenya 7 qezayanê Amedî de mavêna 5 aşman de 28 reyî qedexeyê vejyayîşê teber ame îlankerdiş û 101 rojan dewam kerd. Tenya dewanê Licê de 11 reyî qedexe ronîya û Licêyijan 50 rojan bin qedexe û ablûqa de vîyarna.
Nêşkenê heywanan warî bikerê
Bi sebebê qedexeyan Kurdistanijî nêeşkenî heywananê xo berê zozanan û miqateyê ci bikerî. Herzewbîn şîyayîşê rez, hêga û karitişê sewze û mêveyan zî zaf zehmet o. No sebeb ra welatijî nêşkenê îdareyê xo bikerê.
Amed de tewr vêşî qedexe qezaya Sûrî de dewam kerd. Qeza de qedexe 18 aşman o dewam keno. Reyna bi desan reyî dewanê Licê, Hênê, Farqîn, Karaz, Hezro û Pasûr de zî qedexe amey îlankerdiş.
Qedexeyê Sûrî no 18 aşmîyo rameno
Qezayanê Amedî de mavêna 1'ê Çileya 2017 û 12'ê Hezirana 2017’î de, 7 qezayan de 101 rojî qedexe ame îlankerdiş. Tenya Licê û dewanê ci de 11 reyî û 50 rojî qedexe ame îlankerdiş. Welatijî 50 rojan dewanê xo ra nêvejyay. Hênê de 5, Hazro de 3, Farqin de 1, Karaz de 2, Pasûr de 4, Pîran de 2 reyî qedexeyê vejyayîşê teber ame îlankerdiş. 6 taxanê Sûr Hasirli, Cevatpaşa, Fatihpaşa, Dabanoglu, Cemal Yilmaz û Savaşî de, 28'ê Mijdara 2015’î de qedexeyê vejyayîşê teber, ke bi kiştişê Serokê Baroyê Amedî Tahîr Elçî ame îlankerdiş, no 18 aşmîyo ke bêmavên rameno.
Îstatîstîkê qedexeyan
*'ê Çileya 2017’î ra heta 12'ê Hezirana 2017’î qedexeyê ke amey îlankerdiş wina yê:
* 10 dewanê Licê de mavêna 5- 6 Çile de,
* 13 dewanê Liche û Hênê de mavêna 12-14ê Çile de,
* 10 dewanê Pasûr, Farqîn û Licê de mavêna 24-25ê Sibate de,
* 12 dewanê Licê û Hezro de mavêna 2-5'ê Adare de,
* 18 dewanê Licê de mavêna 5-16'ê Adare de,
* 10 dewanê Licê û Hênê de mavêna 19-21'ê Adare de,
* 9 dewanê Licê û Hênê de mavêna 24-30'ê Adare de,
* 14 dewanê Licê, Karaz û Hezro de mavêna 13-14'ê Nîsane de,
* 8 dewanê Pasur de mavêna 21-24'ê Nîsane de
* 16 dewanê Licê û Hênê de mavêna 8-11'ê Gulane de,
* 3 dewanê Pasûr de 11'ê Gulane de,
* 6 dewanê Hênê de mavêna 20- 21'ê Gulane de,
* 4 dewanê Pîrane de mavêna 21-24'ê Gulane de qede ronîya û hewadîya.
*59 dewanê Licê, Pîran, Hezro û Karaz de mavêna 28ê Gulane û 2ê Hezîrane de qedexe ronîya. Dima ra 43 dewan de ame hewadahîş û 16 dewan de qedexe rameno.
* 104 dew û mezrikanê nê 4 qezayan de qedexe 28'ê Gulane de dest pêkerd û hona zî rameno.
* 10 dewanê Pasûr de qedexe 4'ê Hezîrane de dest pêkerd û 6'ê Hezirane de ame hewadayîş.
*18 dewanê Licê de mavêna 6’ê Hezîrane de qedexe ame îlankerdiş û dima ra bi tewrbîyayîşê 10 hezar lejkeran operasyon destpa kerd.
AMED