Kongreya Starî roja 16ê kanûne ra nata konferansê xo yê bajar û qezayan viraşte. Nê konferansî zî seba munaqeşekerdişê kar û hem qeza û bajaran de awankerdişê meclîsan ameyî viraştiş.
Babete ser o Îdarekara Kongreya Starî ya Kantonê Efrînî Wehîde Xelîle qisey kerde.
Xelîle va ‘konferanso ke par Kantonê Efrînî de amebî viraştiş, tena endamê Kongreya Starî beşdarê konferansî bîbî’ û wina va: “Emser endamê Kongreya Starî zî tede, sazî û dezgeyê sîvîl, partî, rêxistine û Îdarekarîya Xoser ya Demokratîke beşdarê kongre bîyî.”
Xelîle dewamê qiseykerdişê xo de bale ante hedefanê konferansan û va: “Ma seba munaqeşekerdişê karî, seba çi komunî nêkewenî hereket û zeyîf manenî û reyan plansazîya demê ameyoxe konferansî viraşt. Konferans de babetê zewajê ke emrê şenik de benî, kiştiş û veradayîşê cinîyan, perwerde û rêxistinkerdişê cinîyan ser o munaqeşe ame kerdiş. Konferans de qerar ame girewtiş ke her qeza do meclîsê xo awan bikero. Konferans de pêşnîyazê akerdişê dewreyê akerde, bihêzkerdişê komîteyê HPC-Jin û bihêzkerdişê ekonomîya cinî ameyî kerdiş.”
FÎDAN ABDULLAH / ANHA / EFRÎN