51 dezgehan ra vengdayiş
Per bîn ra paytextê Swêd Stockholm de zî 51 dezgehê sivîl ke deshezaran kesî temsîl kene, yew eşkerakerdişo wertex da û qefilnayîşê televîzyon û radyoyan şermezar kerd. Sazîyê sey Merkeza Demokratîk ê Cemeatê Şarê Kurd û Federasyonê Kurd Swêd, Federasyonê Ermeniyan, yê Elewîyan, Suryanî-Asûrî, Cenîyan miyanî de ca gene. Eşkerakerdiş de vacîya ke Erdogan pê girotişê vengê medyaya muxalîf, planê qetlîamanê newe keno. Îdarekaranê sazgehan hukumetê Swhed û Yewina Ewrupa ra waştî ke, nayî rê wertaxî mekerî û vera nayî bivecî.
Kongra-Gel aya kerd!
Hemserokiyê Kongra-Gel zî derheqê hêrişan de eşkerakerdiş da.
Eşkerakerdiş de vaciya ke diktator Erdogan şarê Kurd û Tirkiye ser lejo leymin rameno. Coka vernî de medyayê Kurd medyaya muxalif qefilneno ke no lejî mediyo eşnawitişe. Kongra-Gel eleqa ûnt piyakerdenê Ewrupa ser zî û vat: “AKP semedê vengê medyayê Kurd birnayîş Ewrûpa de zî bêhûqiye kena pê gurayanê tariyan wazena ke pênî bigere. Şirketê Eutelsat zî Fransa de pê talîmatê Erdogan-Rtuk, cad sey Tirkan bêhûqûqî weşanê kanalanê Kurdan vindarnena.“
Eşkerakerdiş de ardiya vîrê ke çen duyerîm Kurdan ser nê kayî kay bî û her duyerim Kurdî dahana quwetin veciyay. Kongra-Gel semedê wahar veciyayîşê medyayê Kurd veng da şarê Kurd û waşte ke vera na nêheqiyê vengê xo ber bikerî. Eşkerakerdiş de vaciya şarê Kurd hetûn êr pêroyê kayê leymin ê serdestan pûç vetî. Gerek ê ra tepiya zî paşt bido çapameniyo xo meverde ço vengê înan bibirno. Kongra-Gel daeşnawitişê ke siwa Fransa de verê şirketê Eutelsat de çalakiy esta û waşte ke şarê Kurd ke Ewrupa do tewr çalakî bibî.
Eşkerakerdiş pê nê vatişan qediya: “Gerek peroyê Kurdistanijîî û dostî veciyê meydanan û bimiyejnî Tirkiye û pêroyê dinya ke, qe yew quwet nişkeno vengê medyayê Kurdan biberne.“
NAVENDÊ XEBERAN