Zilmê dewlet û DEDAŞ’î
Ronişteyê taxa (mehle) Otlu ra Salîh Yildiz da zonayen ke ê şamik, mercûma, xele, cew ûsb. karenê û da zonayen ke dewlet qandê ke hopikanê aw yê înan werte ra hewado hewl dana, kişta bîn ra zî DEDAŞ qandê awkerdişê hêgayanê xo pereyê ceyran wazena. Yildiz’î ard ziwan ke, hewcedariya înan bi dewlet çinya.
Salîh Yildiz’î da zonayen ke, ê hêgayanê xo bi awa hopikan ke bi mazotê xo ancenê aw kenê û vist vîrî ke DEDAŞ înan ra pere wazena û wina va: “Qandê ke ma hilberîna bê dewlet kenê heqê ma yenê xesp kerdiş. Dewlet û DEDAŞ dest dayê pê û cotkaran mexdûr kenê. Nameyê ney xesp o. Ceyrano ke mi xerc nêkerdo, pereyê ci mi ra wazenê. Mi rê 10 hezar TL deyn vetiyê”. Yildiz’î va ‘wa dewlet sersî nêkero, zewbîn ma teba nêwazenê’ û aşkere kerd ke bi raybazê çetecitî çiyê ke destê ma de yê wazenê xesp bikerê.
Ma ray nêdanê çeteyan
Yildiz’î da zonayiş ke ferqê nînan bi çeteyan çinyo û aşkere kerd ke îye dê vera nê çeteyan û hîlebazan sereyê xo nimiz nêkerê. Yildiz’î qiseyê xo wina peynî kerd: “Ma bi emeg û ariqê xo hêgayanê xo aw kenê. Ma dê heta peynî wayrê na dawa ya xo bivejyê. Ma dê çeteyan rê ray nêdê.
DÎHA/RIHA