Erdogan û AKP kurdan ra qarîne, pêro serestise misnene çitûr hêrsîne. Kurdistan de operasyon ra bijerême, hata zerrê estene, bombevaran kerdene gurenayisê ke bene hêrsê AKPe ra wo, AKP çond serriyo ke serva pergalê xo, rejîma xo ya gewe honde planî virast bî, pêro nika bî têwerte, pergalê ci rijiye. Kam kê jê înan nêfikiriyeno, desinde ci rê bene dismen. Qesrî coka merdena kurdan ra bena şa. Cenî, kokim, domanî yenê kistene. Hama zoneme ke iyê ke dûste zilme de xoverdana î kune ser. Na şar Qoçgîrîye de ame kistene, Şex Seîd ra bicerîme hata Dêrsîm, Zîlan û hata ewro dewlete serva kurdan yena mane kistene, manê zorvajiye, manê têbin û têser estene. Hama omed, înam û xoverdayişê şarî, kurdan hata ewro ard. Nayê ra tepiya ke bi xoverdayişê raya xo ra sone. Dewleta tirk nika sûkan kena xanûxirave, hama nêzonene no şar Kobanê ciwiya. Kobanê de kemer sero kemer de nêmend. Onca kî genci bi canê xoya Kobanê nêverdayî çeteyan rê.
Farqîn, Nisêbîn, Sûr, Cizîra Botan, Bismil, Gimgim û cayanê bînan de verra herbê AKP xoverdayişî de pîl yeno dayene. Ewro pêro nî sûke jê Kobanê tarix de cayê xo cenê. Ewro nî qezayan de şaro ke erzeno xover çeberê demê newe kerd ra. Mordem bêwele nêbeno. Hard hem tarix û hem kî ameyena merdimî yo. Na hefte onca mektebê kurdî yene rakerdene. Kot ra kî qeyitê ci bene va bibe, kurdî endi ciwiyayîsê xo ebi xo raye ra bene, weşiya de newe bi idareyê xoser a înşa kenê.
AKP wa tanqana bikuyo taxan, waxt de dewlete Dêrsim de hîn kerd bî. Dewlete pêro quwetê xo ya koyan bombe kerd bî, dewan vesnayi bî. Bingê na dewlete tertele, goniya amo mûnitene. Coka serva haştiye, serva demokrasiye tekoşina ke yena dayene serva Tirkîyaye ke rindeye ana. Ewro çiyo de muhîm esto o kî kurdî ke endî jê viren niye. Piya qerar dane, piya erzene xover, ray û olaxê pêrodayene zonene. Xatirê domanan bo ke xoverdayiş ra qeyir raye çîna. Na raye ke raya serkewtîn a. Raya Rayverê xo de şiyayena. Zilmê dewlete dûste xoverdayişê şar de kûno bin. Ewro jû bi jû şarê kurd verra serbestiya xo dest kerdo şiyayis. No beno laser û kolonyalîste besenêkene virniya ci bicerê..
Meral KUÇUK