Malbata Kaydu ra yew ciwan verba zilman beşdarê gerîla bi û peynî zî birîndar kewt, dadgehê dewleta tirk zî no ciwan ra cezaya muebbetî day. Peynî zî 4 birayê no ciwanî ra dewlet bi îdiaya hetkarîyê ceza da. Cezaye ser do 75 serra Zumreta Emerce, Hamza Emere, Kenan Kaydu û Feleknaz Kaydu hetanê 5 çeleye teslîm bibî.
Kenan Kaydu destnîşan kerd ke peynîya kiştişê pîyê xo ser doz akerdî û wina vat: “Peynîya akerdişê doze ser ma hêrişê dewleta tirk hîna zêdîya. Lejkeran ma girewt binçimê û ma ra vatê; seba çi şima dewlete sûcdar kenî û wina dewam kerd: “Lejkeran ma ra seba fekveradayişê doze zilm û îşkence kerdî. Di pirtûkê xo de Cem Ersever vat bike; ma Mehmet Mehdî Kayduyî qetil kerd û nê zat zî berpirsîyarê PKKe bi. No ser zî ma serpiro Dozgerîya Komarî kerd. Peynî zî lejkeran amey ma berdî qerakole û peynî zî ma ra di qeraqole de zilm û îşkence kerdî. Ma serra 2000’ê de dosyayî berd AHÎMe û hema zî dosyayê ma di AHÎMe de yo.”
17 serre ceza day
Kaydu aşkera kerd ke hetê Dadgeha Cezaya Giran a 6’ina Amede birayê ey ra bi îdiaye eştişê kerrayî 17 serre cezaya zîndane daya û wina dewam kerd: “Peynî zî cezayê birayê min Dadgeha Berz tesdîq kerd.” Feleknaz Kaydu zî ciresna ke verê çimê a, a ra cezaye day, a zî na rewşe ra bertek mojnaya û no ser zî heqê a de dadgeh doz akerda û wina vat: “Peynî no dosyayê ser min di dadgehe de îfade da. Peynî zî hewna di heqê min de di verê dadgeha Çewlîge qîrayişê dirûşmeya ‘Biciwî Serek Apo’ ser doz akerdî la çika zî di heqê min de doze biakerî zî do ez qet fek têkoşîna xo ra vera nêda.”
DÎHA /AMED