Pîtîn a ke nika kampa Newrozî de cuyena, derdo ke anto rîyê aye ra yeno wendiş û fekê ci ra çand çekuyê kewenîy û wina vana: “Çîyo kem a peynî de cuya, seyî feleket bi.”
Şarê êzidî ke 3’ê tebaxe 2014’î de qetlîyamê DAIŞî reyde rî bi rî mend, dîroko xo de 73 ray qetlîyam veynay. Nê qetlîyaman ra vîyartişê koyan, rayan û binê tîncî de veyşan û teyşan meşîyayîş reyde xo xelas kerdîy. Nînan ra zafê înan kampa Newrozî ke girêdayê Kantona Cizîr a Rojawanî de amey cakerdiş. Pîtîn Mişko Hesen a 90 serreyî ke no kampî de cuyena, ard ziwan ke aye heta nika xo 2 qetlîyamî ra xilas kerda û 3’ê tebaxeyî de zî bi qetlîyama hîrêyîn reyde rî bi rî menda. Gedeyê torinanê ci ra Gazî Reşît Seydo û Îbrahîm Saîd Seydo semeda ke dapîra xo xelas bikerî ya 15 km ser manê xo de kirişenî. Dima zî bi erebeya ke hêzêy YPGî anîy dapîra Pîtîn benîy kampa Newrozî.
Êdî qalî zî nêkena
Pîtîna ke temamê cuyayîşê xo de zehmetî dîyo û qetlîyamî veynayî, ard ziwan ke heta nika encamê ti qetlîyamî seyî ya peynî giran nêbi. Pîtîn qalîkerdişî de zaf zehmetî ancena û bi vatişê nameyê xo ra zî zaf tersena. Pîtîn torinanê xo ra behsa qetlîyamê ke verê cuyaybî kerd. La semeda ke zaf pîr bî qalîkerdişî de gelek zehmetî ant û na semed ra zî êdî fek bi qalîkerdişî ra zî veraday. Xora hişê aye zî zaf kemî bîyo û vêşî çîyo ke bîyaro ziwan zî nêmendo.
Pîtîn derheqê fermana Dawudî vat ke: “Ma xo bi eştişê koyan xelas kerd. Heta nika çîyêy ke ma cuyaybî yew zî bedelê ci zeyî no giran nêbi. Heta nika hande keynek û cenîy nêameybîy tirawitiş û hande merdim nêameybî kiştiş. Nê bêîman î.”
TUGBA AKYILMAZ / JINHA/DÊRÎK