Polîs û zabitayê Êlihî bi fermanê Ertug Şevket Aksoyo ke sey qayûm tayînê Şaredarîya Êlihî bîbî, mor dayî berê bufeyê ke parkê Kîne Em û Aram Tîgranî de yî. Heme kargehê parka Kîne Em, hetê zabita û polîsan ra ameyî morkerdiş. Ame zanayîş ke qayûm do nê kargehan bido îhale.Babete ser o Şemsettîn Tunço ke 3 serrî yo ke bi bufeyê Parka Aram Tîgranî debara keyeyê xo keno qisey kerd.Tunçî va ‘qayûm polîtîkayanê xo feqîr û welatperweran ser ro meşneno’ û wina dewam kerd: “Şaredarîya DBPyî heqê îdarekerdişê bufeyî 3 serrî verê da mi. Wexto ke ez ameya tîya, halê parke zaf xirab bî. Madeyê tîryakî ameyêne rotiş û her tewir xirabî ameyêne kerdiş. Ma verê înan de têkoşîn da.”
Tunçî va ‘çîyê ke yenê kerdiş polîtîkayî’ û wina qedêna: “Qayûm bi rayîrê îhaleyan nê cayan rantî rê akeno. Tewr pêynî zabita û polîsî bi zorî mi tîya ra eştî û mor dayî berê bufeya mi ro. ”
ÊLIH