Hemşaredarê qezaya Amed Licê Harun Erkuş karî ra ame dûrvistiş û hurendîya ci de qoriciyê bi nameyê Abdulkadîr Tunçok zey azayê meclîsê şaredarî ame wezîfedarkerdiş. Gurekaranê şaredarîya Licê karî ra girotişê Harun Erkuşî û tayînkerdişê qeyûmî protesto kerd. Hemşaredara Licê Rêzan Zogûrlû bi gurekaranê şaredarî ra pîya ver bana şaredarîya qeza de damûstayîn day û dûştê bêhiqûqîn mesajê xoverdayişî day.
Zogûrlû hayr ant herb û pirodayişan ser û aşkere kerd ke no hal raya çarekerdiş û pêkerdişî keno manî. Rêzan Zogûrlû hurendîya weçîntoxan de tayînkerdişê qeyûman zey dûştê hiqûq û peymanê mavênneteweyî hesibna û aşkere kerd ke vetişê QHQ bi serê xo dûştê hiqûqî yê û qebûl nêbenê.
Dûştê demokrasî yo
Hemşaredar Rêzan Zogûrlû tayînkerdişê qeyûman zey êrişê verra îradeyê şarî û dûştê demokrasî hesibna û va: “Hewldayenê 15ê Temmuze ra dima hikûmeta tirk ya ke înisîyatîfî girot xo dest dûştê heremanê kurdan, dûştê îradeyê şarî qanûnan vejena û heqê ma yê weşî destê ma ra gêna.”
Zogûrlû da zonayen ke qeyûmo ke ameyo wezîfedarkerdiş nêsilasnenê û aşkere kerd ke heta peynî iyê dê wayîrê îradeyê şarî bivejyê.
Weçînayinanê Şaredarîyan yê 2014î de DBP Licê de se ra 89.4 rey girotibi
DÎHA /AMED